जनक राज पौडेल, पाण्डिचेरी ।
मूल प्रवाह अखिल भारत नेपाली एकता समाज नगर समिति पाण्डिचेरी, अन्तर्गत मध्य दक्षिण टाउन एरिया समितिले तिहारको उपलक्ष्यमा शुभकामना आदान प्रदानसहित प्रगतिशील भैलो खेलिएको छ ।
कार्यक्रममा रक्तिम सांस्कृतिक अभियानका कलाकारहरुले तिहार सन्दर्भका विभिन्न जनवादी गीत तथा अभिनय प्रस्तुत गरेका थिए । त्यस क्रममा हाम्रा सांस्कृतिक पर्वको महत्व तथा चाडपर्वको प्रगतिशील प्रयोगबारे चर्चा गरिएको थियो ।
कार्यक्रममा मूल प्रवाह केन्द्रीयसचिव तथा नगर समितिका अध्यक्ष जनकराज पौडेल, केद्रीय परिषद सदस्य चन्द्रकान्त शर्मा, दक्षिण भारत क्षेत्रीय समिति सदस्य डिल्लीप्रसाद शर्मा, विद्यार्थी विभाग क्षेत्रीय समितिका विजय शर्मा, महिला नगर विभाग अध्यक्ष विष्णु शर्मालगायत नेताहरुको सहभागिता रहेको थियो । प्रेम बहादुर रानाभाटको अध्यक्षता तथा सञ्जु शर्माको सञ्चालनमा अघि बढेको कार्यक्रममा एरिया समिति सचिव हिरादेवि शर्माले स्वागत गर्नु भएको थियो ।
केन्द्रीय सचिव तथा नगर अध्यक्षले विधिवतरुपमा भैलो उद्घाटन गर्दै अहिले कोरोना भाइरसले निम्ताएको असहज परिस्थिति, र प्रगतिशिल भैलो, र संगठनको महत्व बारे प्रष्टाउनु भएको थियो । कार्यक्रम सफलता को शुभकामना सहित संगठन र प्रवासमा प्रगतिशिल भैलोबारे चन्द्रकान्त शर्मा र दिल्ली प्रसाद शर्माले बोल्नु भएको थियो ।
त्यस्तै शुभकामना दिदै महिलाहरुको हक अधिकार र संगठित शक्तिको महत्व बारे विष्णु शर्माले विचार प्रकट गर्दै सफलताको शुभकामना दिनु भएको थियो । कार्यक्रम सफलताको शुभकामना दिने हरुमा मुदलियर पेट एरिया समिति सचिव रवि पौडेल, विद्यार्थी विभाग क्षेत्रीय समिति विजय पौडेल, नगर विभागबाट विनिता शर्मालगायत हुनुहुन्थ्यो ।
