काठमाडौं । हङकङमा नेपाली समुदायले बालकको जन्मदिन मनाउने क्रममा भएको आगलागीमा परी निधन हुनेको संख्या आठ पुगेको छ । आइतबार राति भएको सो घटनामा परी घाइते भएका थप एकको उपचारका क्रममा आज निधन भएको हाम्रा सम्वाददाता शक्तमान बुढाथोकीले जानकारी दिनुभएको छ ।
हङकङमा भएको सो दुर्घटनाबाट स्तब्ध भएको राष्ट्रिय जनमोर्चाले जनाएको छ । सोमबार उपाध्यक्ष एवं प्रवक्ता दुर्गा पौडेलले एक वक्तव्य प्रकाशित गरी दुर्घटनाको खबरले पार्टींक्ति स्तब्ध भएको उल्लेख गर्दै हङकङमा रहेका नेपाली समुदायप्रति समवेदना प्रकट गर्नुभएको छ ।
वक्तव्यमा दुर्घटनाको सत्यतथ्य बुझ्न, घाइते सबैको उपचारको उचित व्यवस्था गर्न तथा मृतकका आफन्तलाई क्षतिपूर्तिको पहल गर्न नेपाल सरकारसँग माग गरिएको छ ।
सो श्रद्धाञ्जली वक्तव्यमा भनिएको छ, ‘हङकङमा२०७७कार्तिक ३० गते राती ३ वर्षीय बालकको जन्मदिन मनाउने क्रममा पटका पड्काउँदा भएको आगलागीमा परी ८ जना नेपालीको मृत्यु भएको खबरले स्तब्ध बनाएको छ । आगलागीबाट बच्चाको बुबा युवराज कँडेल, बच्चाकी दिदी, जन्म दिन मनाउन प्रयोग गरिएको जिरे खुर्सानी होटल सञ्चालिकासहित ८ जनाको निधन भएको छ भने १२ जना घाइते भएका छन् ।
घाइतेको त्यहाँका अस्पतालहरुमा उपचार भइरहेको जनाइएको छ । हङकङ दुर्घटनाको सत्यतथ्य बुझ्न, घाइते सबैको उपचारको उचित व्यवस्था गर्न तथा मृतकका आफन्तलाई क्षतिपूर्तिको पहल गर्न नेपाल सरकारसँग माग गर्दछौं । मृतक सबै नेपालीप्रति हार्दिक श्रद्धाञ्जली अर्पण गर्दै शोकसन्तप्त परिवारजन र हङकङमा रहेका नेपाली समुदायप्रति समवेदना प्रकट गर्दछौं ।’
यो पनिः
आगलागीका घाइतेको उपचारमा कुनै कसर बाँकी नराख्न बागलुङ समाज हङकङको आग्रह
हङकङका नेपालीमाथि ठुलो बज्रपात, आगलागीमा परी सात जनाको मृत्यु, १३ घाइते, दुईको अवस्था अज्ञात
