शक्तमान बुढाथोकी, हङकङ ।
आइतबार राति हङकङमा भएको आगलागीमा परी बेपत्ता भएका दुई जनाको क्विन एलिजावेथ हस्पिटल युमा तेइ कोलोनीमा उपचार भइरहेको थाह भएको छ ।
आगलागीमा परी बेपत्ता भएका बागलुङ समाज हङकङका सदस्यद्वय युवराज कँडेलकी श्रीमती र कृष्ण कँडेलकी छोरीको गम्भीर अवस्थामा उपचार भएरहेको बाग्लुङ समाज हङकङका सल्लाहकार प्रमुख देवान सिह पुनले जानकारी दिनुभएको छ ।
उनीहरुको अबस्था नाजुक भएकोले अस्पतालले कसैलाई पनि भेट्न दिएका छैन ।
अस्पताल स्रोतलाई उदृत गर्दै बागलुङ समाज हङकङका उपाध्यक्ष राम केसीले भन्नुभयो, ‘उहाँहरु सिरियस हुनुहुन्छ । थप उपचारपछि आफन्त र शुभचिन्तकलाई भेटाइने छ ।’
यता, हङकङ सरकारका प्रवक्ताले घाइतेहरुको उपचारमा कुनै कमी हुन नदिने प्रतिवद्धता जनाएका छन् ।
नेपालीले सञ्चालन गरेको जिरे खुर्सानी रेष्टुरेन्टमा बच्चाको जन्मदिन मनाउने क्रममा आइतबार राति आगलागी हुँदा ७ नेपालीको मृत्यु भएको थियो । घटनामा परी १३ जना घाइते भएका छन् । घाइतेमध्ये तीन जना गम्भीर छन् ।
उपचाररत बिरामीहरुको रेखदेखको लागि बाग्लुङ समाज हङकङले पहल गरिरहेका छ । कार्यसमितिका पदाअधिकारी तथा सदस्यहरुलाई पालैपालो अस्पताल बस्ने निर्णय भएको छ ।
बिरामीको प्रभावकारी उपचार गर्न बाग्लुङ समाज हङकङले सरकारसँग माग गरेको छ । समाजका पूर्व अध्यक्ष एवम् बरिष्ठ सल्लाहकार डा चुरा थापा सचिव शक्तमान बुढाथोकीले घाइतेहरुको अवस्था बुझेपछि सरकारका प्रवक्तासहित अस्पताल प्रशासनलाई घाइतेको उपचारमा कुनै कसर बाँकी नराख्न आग्रह गरिएको छ ।
यो पनिः हङकङका नेपालीमाथि ठुलो बज्रपात, आगलागीमा परी सात जनाको मृत्यु, १३ घाइते, दुईको अवस्था अज्ञात
