खिमराज चालिसे, चंडिगढ ।
प्रवासी नेपालीहरुको अभिभावक संगठन मूल प्रवाह अखिल भारत नेपाली एकता समाजले भारतव्यापीरुपमा देउसीभैलो खेलेर जनचेतना र कलासंस्कृतिको संरक्षणसँगै तिहारको शुभकामना आदान प्रदान गरिरहेको छ ।
मूल प्रवाहका केन्द्रीय सदस्य एवं सूदुरपश्चिमोत्तर क्षेत्रीय अध्यक्ष प्रेम सापकोटाले दिएको जानकारी अनुसार क्षेत्रका अधिकांश नगरहरुले कोरोनाको कारण प्रत्यक्ष देउसीभैलो नखेले पनि तिहारको शुभकामना पुराउन घरदैलोमा क्षेत्रभरिका कार्यकर्ताहरु परिचालन गरिएको छ ।
मूल प्रवाहका कार्यकर्ताहरु हातमा शुभकामना कार्ड बोकेर यो विषम परिस्थितिमा पनि आफूहरु जनताकोबीचमै रहेको सन्देश घर घरमा पुर्याउन कस्सिएका छन्। उनीहरुको हौसला विभिन्न शहर गल्ली र मोहल्लाहरुमा यसरी देखिने गरेको छ ।
चंडिगढ
यहाँ मूल प्रवाहका ५ वटै एरियाहरुमा २३ सदस्यीय व्यवस्थापन समिती बनाएर समर्थक, शुभचिन्तकसम्म शुभकामना दिन कार्यकर्त्ताहरु परिचालन गरिएको छ । जस अनुसार मोहाली एरियामा–केन्द्रीय सदस्य दिनेश खडका र नगर उपाध्यक्ष वालाराम न्यौपानेको अगुवाईमा सिमा खडका, लिला विक, लगाएत आधादर्जन कार्यकर्ताहरु शुभकामना दिन हिड्नुभयको छ।
पंचकुला एरिया
पञ्चकुल एरियामा तिहारको अवसरमा नेपालीहरुबीच शुभकामना आदान प्रदानका लागि केन्द्रीय सल्लाहकार तिलक पौडयाल, क्षेत्रीय सदस्य प्रेम आचार्य, सुरेश आचार्य, माया आचार्य, सहित परिचालित हुनुभएको छ ।
मध्यसिटि एरियामा
मध्यसिटीमा विद्यार्थी विभागका केन्द्रीय सदस्य विष्णु वेल्वासे, नगर कोषाध्यक्ष किसन खनाल, जमुना खनाल र लक्ष्मण पाण्डे लगाएत कार्यकर्ता रहनु भएको छ ।
इन्डस्ट्रीयल एरिया
केन्द्रीय सल्लाहकार खिमराज चालिसे, महिला क्षेत्रीय सचिव जुना चालिसे, नगर सहसचिव थानेश्वर पांडे र सरस्वता भुसाल लगाएतको टिमले सो क्षेत्रमा शुभकामना आदान प्रदान गरिरहेको छ।
सिटि एरियामा
यता सिटी एरियामा नगर अध्यक्ष मान वहादुर केसी, सचिव तेज बहादुर रोका, दुर्गा विक, सहित एकदर्जन कार्यकर्त्ताहरु परिचालित गरि शुभकामना कार्ड मार्फत शुभकामना दिइरहेको जानकारी व्यवस्थापन समितीका थमन थापाले दिनुभयो ।
श्रीगंगानगर (राजस्थान)
यहाँ सबै दशवटै एरियामा शुभकामना सन्देश आदान प्रदान कार्यक्रम चलिरहेको छ। मूल प्रवाह केन्द्रीय सदस्य कृष्ण जिसी, सदस्य त्रिभुवन भट्टराई, हुम बहादुर बिक, गिरु प्रसाद न्यौपाने, बसन्त भन्डारी, रेशम भण्डारी, जागेस्वर न्यौपाने, हरि न्यौपाने, सुकदेब रिजाल लगायत हुनुहुन्छ। शक्रिय सहभागितामा ३ दिनको शुभकामना दिने रहेको जानकारी केन्द्रीय सदस्य त्रिभुवन भट्टराईले दिनुभएको छ ।
लुधियाना र लुधियाना फोकलपाइन्ट नगरसमिती
क्षेत्रका दुवैवटा नगरहरुमा हिजो देखि देउसीभैलो शुरु भएको छ । यहाँ भोलिसम्म जनताको घरदैलोमा सामाजिक दूरि राखी कार्यक्रम गरिने जानकारी रामचन्द्र पौडयालले दिनुभएको छ ।
संगरूर
संगरूर नगरमा कोरोनाको कारण देउसीभैलो सानो समूहमा जुटेर भएपनि भोली भाइटिकाको दिन कार्यकर्त्ताहरुको प्रत्यक्ष सहभागितामा खेलिने जानकारि महिला नगर संयोजक लक्ष्मी खनालले दिनुभएको छ।
जालन्धर
जालन्धर नगरसमितीले आज पनि ११ बजेदेखि जेपी नगर एरियामा चक्र बहादुर घर्ती को घरमा र मिठु बस्तीमा नगर सल्लाहकार प्रेम शंकरको घरमा सामूहिक देउसी खेलेपछी सिटि एरियामा समितीका सदस्य राजिन्द्र थापाको घरसहित छाउनी एरिया जाने लक्ष्य रहेको जानकारी केन्द्रीय सदस्य कुल बहादुर बगालेले दिनुभएको छ ।
यो नगरले पहिलो दिनको कार्यक्रम भव्य रूप मा सफल भएको छ। यसैगरि रोपड नगरसमितीले भने हिजै कार्यक्रम एउटा समारोहबीच सम्पन्न गरि सकेको छ ।
