खिमराज चालिसे, चंडिगढ ।
विश्वव्यापी रुपमा फैलिएको कोरोना भाइरसको संक्रमणका कारण यस वर्ष विगतमा जस्तो तिहारमा देउसी भैलोको रौनक खासै छैन । तर, सानो समूहमा जुटेर भएपनि रमाइलो गर्ने र कला संस्कृतिको संरक्षणसँगै जनचेतना फैलाउन प्रवासी नेपालीहरु लागिपरेका छन् ।
यसै सन्दर्भमा मूल प्रवाह अखिल भारत नेपाली एकता समाजले भारतका विभिन्न स्थानमा जनवादी भैलो सञ्चालन गरिरहेको छ ।
मूल प्रवाह नगर समिति जालन्धरले आयोजना गरेको जनवादी भैलो कार्यक्रमको पन्च दीप प्रज्वलित गर्दै मूलप्रवाहको व्यानरमाथि रिवन काटेर केन्द्रीय सदस्य कुल बहादुर बगालेले उद्घाटन गर्नुभयो । त्यसपछि केन्द्रीय महिला विभागकी शुष्मा खडका, रक्तिम विभागकी जमुना गाहा, समता विभागका हिम प्रसाद र जनजाती विभागका किरण पुनबाट संयुक्त दीप प्रज्वलित गरी भैलो खेलिएको थियो।
उक्त अवसरमा नगर सचीव दिल बहादुर गाहा, कावा महिला क्षेत्रीय अध्यक्ष मीना बगाले, हर्क बहादुर बुढाथोकी, विद्यार्थी तथा अधिवक्ता ऋतिका खडका र बालसंगठनका प्रकाश गाहा लगाएतले शुभकामना मन्तव्य दिनु भएको थियो। उद्घाटन कार्यक्रमको सञ्चालन मधुकर भण्डारी र अध्यक्षता जितमान थापाले गर्नुभएको थियो । नगरसमितिले लगातार २ दिन भैलो खेल्ने केन्द्रीय सदस्य कुल बहादुर बगालेले जानकारी दिनुभएको छ ।
कलासंस्कृतीको संरक्षण गरौंः सापकोटा
यता, मूल प्रवाह रोपड समितिले आयोजना गरेको देउसी भैलो कार्यक्रमको उद्घाटन मूलप्रवाहका केन्द्रीय सदस्य एवम् क्षेत्रीय अध्यक्ष प्रेम सापकोटाले गर्नुभयो । त्यस क्रममा शुभकामना दिँदै केन्द्रीय सदस्य सापकोटाले कलासंस्कृति संरक्षणमा जोड दिँदै उच्च प्रगतिशील संस्कृति निर्माण गर्नुपर्ने बताउनुभयो ।
नगर सचिव विष्णु गुरुङको सञ्चालनमा तथा नगर अध्यक्ष मनीराम सापकोटाको अध्यक्षतामा सम्पन्न सो कार्यक्रममा क्षेत्रीय सदस्य छबिलाल सापकोटा, शिवलाल लामिछाने र खगी थापा, जनजाति विभागका बिल बहादुर गुरूङ, रक्तिम सांस्कृतिक परिवारका मनकाजी गुरूङ , मदन थापा, रूपा कार्की, सिमा सापकोटा, ओम प्रकाश सापकोटा, दयाराम लामिछाने, महिला बिभागकी लक्ष्मी गुरूङ, मन्जू थापा लगाएतका दर्जनौं कलाकार विध्यार्थीहरू समेत कैयन जनमानसको उपस्थितिमा भैलो सञ्चालन गरिएको नगर अध्यक्ष मनिराम सापकोटाले बताउनु भएको छ।
कार्यक्रममा उपस्थिति सबैलाई आयोजक समितीले सेलरोटी र अचार खुवाएर बधाइ तथा शुभकामना दिएको थियो ।
