कमल पौडेल/खलङ्गा ।।
प्युठान मल्लरानी–१ अर्बाङ निवासी भूपालसिंह आचार्यको मृत्यु भएपछि एघारौँ दिन शोकसभा सम्पन्न भएको छ । राष्ट्रिय जनमोर्चा लुम्बिनी प्रदेशका अध्यक्ष बोमबहादुर खत्रीको प्रमुख आतिथ्यतामा सो कार्यक्रम सम्पन्न भएको हो ।
मृतक आचार्यका जेठा छोरा थम्मन आचार्यको अध्यक्षता अघि बढेको उक्त कार्यक्रममा प्रमुख अतिथि खत्रीले आचार्य २०४९ सालदेखि राजमोमा आबद्ध भर्इ हालसम्म निरन्त देश, जनता र पार्टीप्रति समर्पित भई काम गर्दै आउनुभएको बताउँदै उहाँले गरेका कार्यको पार्टीले उच्च मूल्याङ्कन गर्ने बताउनुभयो ।
सभामा मल्लरानी गापाका अध्यक्ष अम्मरध्वज राना, राजमो गापाका अध्यक्ष सूर्यबहादुर सार्की, अखिल नेपालल शिक्षक सङ्घका महासचिव चक्रपाणि पौडेल, अखिल नेपाल युवक सङ्घका जिल्ला उपाध्यक्ष कमल पौडेल, राजमो नेता रुमान नेपाली, नेकपाका प्रतिनिधि नारायण भट्टराईले समेत मन्तव्य राख्नुभएको थियो ।
कार्यक्रमको सञ्चालन जीवन केसीले गर्नुभएको थियो ।
