तिलक थापा, बागलुङ ।
राष्ट्रिय जनमोर्चा बागलुङले अखिल नेपाल शिक्षक संघका सदस्य रामकान्त गौतम र मतिलाल गौतमकी ममतामयी आमा बसुन्धरा गौतमप्रति श्रद्धाञ्जली अर्पण गरेको छ ।
गलकोट नगरपालिका–९ गल्याङ निवासी ८१ वर्षीया बसुन्धरा गौतमको यही कार्तिक २६ गते दुखद निधन भएको थियो । बिहबिार एक कार्यक्रम आयोजना गरी राजमोले मृतक गौतमप्रति श्रद्धाञ्जली व्यक्त गरेको हो ।
कार्यक्रममा राष्ट्रिय जनमोर्चाका केन्द्रीय सदस्य तथा जिल्ला समन्वय समिति बागलुङका संयोजक राजेन्द्र ढुङगाना, राष्ट्रिय जनमोर्चाका नेता तथा गण्डकी प्रदेश मामिला सभापति कृष्ण थापा, राजमो बागलुङका अध्यक्ष अमर थापा, जिल्ला सल्लाहकार गौरीश्वर पाण्डे, राष्ट्रिय परिषद् सदस्य तथा अखिल नेपाल युवक संघका केन्द्रीय पूर्व अध्यक्ष तिलक थापा, अखिल नेपाल महिला संघका केन्द्रीय उपाध्यक्ष लक्ष्मी बास्कोटा, अखिल नेपाल युवक संघका केन्द्रीय कोषाध्यक्ष भिमसेन वन, राष्ट्रिय जनमोर्चा बागलुङका सल्लाहकार बेदिलाल सापकोटा, अखिल नेपाल शिक्षक संघ बागलुङका उपाध्यक्ष दुर्गा भण्डारी लगायतले श्रद्धाञ्जली दिनु भएको थियो ।
