मेघराज रिष्मेली, जापान ।
जापान नेपाली एकता समाजले जापानको ओसाकामा विविध सांस्कृतिक कार्यक्रमको आयोजना गरेको छ । जापान नेपाली एकता समाजको समन्वयमा सोमबार रक्तिम सांस्कृति अभियान जापानका कलाकारहरुले विविध सांस्कृतिक कार्यक्रम प्रस्तुत गरे ।
विश्वभरि छरिएर रहेका नेपालीहरूलाई मनोरञ्जनका साथै सन्देश दिनको लागि आयोजित कार्यक्रम जापान नेपाली एकता समाजको पेजबाट लाइभ गरिएको थियो ।
कार्यक्रममा जापान नेपाली एकता समाजका महासचिव तेजेन्द्र क्षेत्री, केन्द्रीय सदस्य एवम् समाजका क्षेत्रीय अध्यक्ष कमल कार्की अर्का केन्द्रीय सदस्य तथा ‘युगदर्शन’ का जापान संवादाता मेघराज रिष्मेली, रक्तिम सांस्कृतिक अभियानका सदस्य टिका केसी दिपक, भावना क्षेत्री सापकोटालगायतको उपस्थिती रहेको थियो।
सो कार्यक्रमा महासचिव तेजेन्द्र क्षेत्रीले जापान नेपाली एकता समाजको भूमिकाबारे स्पष्ट पार्दै फेसबुक लाइभ गर्नुको कारणबारे बताउनुभएको थियो । उहाँले जापान नेपाली एकता समाजले सांस्कृतिक सभा मार्फत सामाजिक विसंगतिलाई चिर्न प्रयत्न गरेको स्पष्ट पार्नुभयो ।
यस्तै, क्षेत्रीय समिती ओसाकाका अध्यक्ष कमल कार्कीले जापान नेपाली एकता समाजले स्थापना कालदेखि गर्दै आएका सामाजिक कार्यका बारेमा प्रकाश पार्नुभएको थियो ।
कार्यक्रमा रक्तिम सांस्कृतिक अभियान जापानका सदस्य टिका केसी दिपक र भावना केसी सापकोटाले रक्तिम गित र नृत्य प्रस्तुती देखाएर देश विदेशमा रहेका नेपालीहरूलाई भरपुर मनोरञ्जन दिनुभएको थियो।
समाजका केन्द्रीय सदस्य तथा क्षेत्रीय समिति ओसाकाका अध्यक्ष कमल कार्कीको अध्यक्षता तथा महासचिव तेजेन्द्र क्षेत्रीको सञ्चालनमा अघि बढेको सो कार्यक्रम ओसाकाको होममाची स्थित जिग्री दोहोरी साँझको हलमा सम्पन्न भएको थियो ।
