फाइल फोटो
महेश रिजाल भालुवाङ ।
दाङ देउखुरी राजपुर गाउँपालिका वडा न. ५ जंग्रहवा–नौसरा जोड्ने महतिनिया खोलामा पक्की पुल निमार्ण कार्य तीब्र रुपमा अगाडि बढेको छ ।
उक्त पुलको लम्बाई १ सय ४८ मिटर र चौडाई डबल लेन हुने छ । पुलमा जम्मा ५ वटा पिलर बनाइदै छ जस्को गहिराई प्रति पिलर १९ मिटर र मोटाई ८ फिट हुने गरि निर्माण गरिदै छ ।
एक पिलर देखि अर्को एक पिलर सम्मको दुरी ३५,३५ मिटर रहने छ । उक्त पुलको निर्माणको जिम्मा पाएको नारायणम् निर्माण सेवा प्रा.लि. बाँके नेपालगंजका साइड इन्चार्ज कृष्ण बहादुर गिरीका अनुसार उक्त पुलको कुल लागत १४ करोड ८४ लाख रहेको छ ।
कालाकाटे– गढवा– बेला– राजपुर– गंगदी– सिक्टा–हाटबास हुदै नेपालगंज जोड्ने हुलाकी राजमार्ग निर्माणका क्रममा कालाकाटे–हाटबास सडक खण्डको दक्षिण देउखुरीको मध्य भागमा अवस्थित महतिनिया खोलामा निर्माणाधिन सो पुल आगामि २ बर्ष भित्र सम्पन्न गरि सम्झौता भएको हुलाकि राजमार्ग आयोजना कार्यालय नेपालगंजका इन्जिनियर सुनिल गुप्ताले जानकारी दिनुभयो ।
उक्त पुल निर्माण सम्पन्न भए पछि राजपुर गाउँपालिका वडा न. ५ र ४ का जंग्रहवा, चंगुवा, हथिहवा, शिमलखुटि, महतिनिया खोला, कुरिया खोला, दुलइया, फोहोरा, मोतिपुर, सालभौरी, नौसरा, गंगदी, खयरभटि गाउँहरुका हजारौ स्थानिय बासिन्दा र साधारण माध्यमिक विद्यालय सालभौरीका हजारौ विद्यार्थी तथा शिक्षक, कर्मचारी प्रत्यक्ष लाभान्वित हुनुका साथै राजपुर गाउँपालिकाको केन्द्र गंगदीमा आवत जावत गर्ने हजारौ सेवाग्राही लाभान्वित हुने भएका छन् ।
उक्त पुल निर्माण कार्यले आफूलाई धेरै खुसी लागेको राजपुर गाउँपालिकाका उपाध्यक्ष धनपतिदेवी यादवले प्रतिकृया दिनुभयो ।
