धनवीर पुनमगर , नयाँ दिल्ली (भारत)।
मूल प्रवाह अखिल भारत नेपाली एकता समाज, नगर समिति वापी पश्चिमअन्तर्गत महिला नगर विभाग गठन भएको छ । केन्द्रीय सदस्य गोविन्द थापाको प्रमुख आतिथ्यतामा नोभेम्बर ९, २०२० का दिन सम्पन्न दोश्रो भेलाद्वारा सो विभाग गठन भएएको हो ।
बिना काउछाको अध्यक्षतामा गठित २७ सदस्यीय वापी पश्चिम महिला नगर विभागमा सचिव तारा रावत, कोषाध्यक्ष लक्ष्मी कुँवर ‘क’ रहनुभएको छ । त्यस्तै सदस्यहरूमा पार्वती विक, देवीकला रावल, पवन खड्का, दिब्या जोशी, सङ्गिता विश्वकर्मा, देवीकला परिवार, सत्या थापा, रेवतीदेवी सलामी, अनुस्का विक, सुनिता विक, विमला खत्री, नन्दा कुँवर, कल्पना प्रसाई, रेखा देउवा, सोया ठकुल्ला, तुल्सा कुँवर, मीना शर्मा, भावना विष्ट, सनम योगी, आशा ठकुल्ला, कला कुँवर, दूदकला विष्ट र उर्मिला रावल रहनुभएको छ ।
कार्यक्रमलाई सम्बोधन गर्दै समाजका केन्द्रीय सदस्य गोविन्द थापाले पूँजीवादले महिलाहरुलाई उपयोगको वस्तुको रुपमा प्रयोग गर्ने कोशिस गरिरहेको कुरामा महिलाहरु सचेत हुनुपर्ने बताउनु भयो ।
‘जबसम्म स्वयं महिलाहरु संगठित भई आन्दोलनमा सहभागि हुँदैनन्, त्यति वेलासम्म अन्याय, अत्याचार सहन बाध्यताको स्थिति रहन्छ’ थापाले भन्नु भयो, ‘महिलाहरु चुलो चौकोमा मात्र सिमित नरहेर महिला अधिकार, अन्याय, अत्याचार, शोषण, दमनका विरुद्ध आवाज वुलन्द गर्नका लागि संगठित हुनुपर्ने आवश्यकता छ ।’
कार्यक्रममा केन्द्रीय सदस्य रमकला काउछा, पश्चिम भारत क्षेत्रीय उपाध्यक्ष कृष्ण कुँवर, वापी पश्चिम नगर समितिका निखिल रावतको पनि आतिथ्यता रहेको थियो ।
बिना काउछाको अध्यक्षता तथा तारा रावतको सञ्चालनबाट अगाडि बढेको सो भेलामा कार्यक्रममा सहभागीलाई देविकला परिवारले स्वागत गर्नुभएको थियो ।
