धनवीर पुन, नयाँ दिल्ली ।
भारतको हिसारमा एकता मञ्चका कार्यकर्ताहरु मूल प्रवाह अखिल भारत नेपाली एकता समाजमा प्रवेश गरेका छन् । समाजको ४२औं स्थापना दिवसको अवसरमा आयाजित कार्यक्रममा एकता मञ्चकाकार्यकर्ताहरुले सो संगठन परित्याग गरी मूल प्रवाहमा प्रवेश गरेका हुन् ।
ढुण्डिराम परियार (राजु), वसन्त क्षेत्री, दिपक परियार, सालिकराम (सागर) लगायतका जिम्मेवार कार्यकर्ताहरु मूल प्रवाहमा प्रवेश गर्नुभएको हो । मूल प्रवाहको साप्ताहिक कार्यक्रम अन्तर्गत आइतबार हिसार नगर समितिको आयोजनामा भएको सभामा उहाँहरुलाई सदस्यता प्रदान गरिएको छ ।
स्थापना दिवसका अवसरमा आयोजित सो कार्यक्रममा नेता नन्द बहादुर लमतरीले मूल प्रवाहको भूमिकाबारे स्पष्ट पार्नुभएको थियो ।
त्यस्तै क्षेत्रीय सल्लाहकार तारा सोमरे, महिला बिभाग क्षेत्रदेखि श्रीमती डोलमाया बिक, ईन्ड्रष्ट्रीयल एरिया समितिका सदस्य बिष्णु गौतम, सिटि एरिया बिका अध्यक्ष केहरसिंह घर्तिमगर, नगर समता बिभागका संयोजक श्याम बहादुर बिक लगायतका नेता कार्यकर्ताहरुले शुभकामना मन्तव्य दिनुभएको थियो ।
महिला नगर बिभागकी सचीव श्रीमती सीता पोख्रेल, सदस्य कमला बगालेले गित, कविता प्रस्तुत गर्नु भएको थियो ।
श्रीमती निरु सारुको सञ्चालन र नगर उपाध्यक्ष बाबुराम शर्माको अध्यक्षतामा सम्पन्न सभामा कोषाध्यक्ष हुमाकान्त अधिकारीले स्वागत मन्तव्य र रक्तिम कलाकारहरुद्वारा स्वागत गित प्रस्तुत गर्नुभएको थियो ।
