जनकराज पौडेल, दक्षिण भारत ।
मूल प्रवाह अखिल भारत नेपाली एकता समाज नगर समिति पाण्डिचेरीको आयोजनामा संगठनको ४२औँ स्थापना दिवस भब्यरुपमा मनाइएको छ ।
कार्यक्रममा मूल प्रवाहका केन्द्रीय सदस्य कुल बहादुर थापाले भारत स्थित मजदुरहरुको अवस्था र संगठनले खेल्दै आएको भूमिकाबारे स्पष्ट पार्नुभएको थियो । उहाँले भारतस्थित नेपालीहरुलाई नेपालमा सम्पन्न हुने निर्वाचनमा मतअधिकार सुनिश्चित गर्न माग गर्नुभयो ।
कार्यक्रम सफलताको शुभकामना दिने वक्ताहरुमा जिपमेर एरिया समितिका अध्यक्ष श्रीकृष्ण खनाल, प्रेम सुवेदी, मुदलियरपेट एरिया सचिव रवि पौडेल, त्रिभुवन एरिया समितिको तर्फबाट खड्क बहादुर कुँवर, खगेश्वर सुनारलगायत हुनूहुन्थ्यो ।
कार्यक्रममा मूल प्रवाहका केन्द्रीय सचिव जनकराज पौडेल, सदस्य भगवती कुँवर, दक्षिण भारत क्षेत्रिय समिति सदस्य डिल्ली प्रसाद शर्मा, समता समाज वाट प्रेम परियार, महिला विभाग अध्यक्ष विष्णु शर्माको आतिथ्यता रहेको थियो ।
नगर सदस्य चन्द्रकान्त शर्माको सञ्चालन तथा नरबहादुर केसीको अध्यक्षतामा सम्पन्न कार्यक्रमका सदस्य गंगाराम शर्माले स्वागत गर्नु भएको थियो ।
निलगिरीमा पनि कार्यक्रम
दक्षिण भारत क्षेत्रिय समिति अन्तर्गत मूल प्रवाह अखिल भारत नेपाली एकता समाज निलगिरी नगर समितिको आयोजनामा संगठनको ४२औँ स्थापना दिवस मनाइएको छ ।
बल बहादुर विकको सञ्चालन, टेक बहादुर विकको अध्यक्षतामा सम्पन्न भएको कार्यक्रममा लाल बहादुर थापालेस्वागत गर्नु भएको थियो।
कार्यक्रममा क्षेत्रीय समिति सदस्य विरे थापा, प्रतिनिधि जगत हमाल, र विद्यार्थी संघबाट कस्तरी थापा र रक्तिम विभागको तर्फबाट बल बहादुर विकले कार्यक्रम सफलताको शुभकामना दिनु भएको थियो । सबै बक्ता हरुले मूल प्रवाह अखिल भारत नेपाली एकता समाजको स्थापना र प्रवासस्थित मजदुर नेपाली विचमा खेल्दै आएको भुमिका बारे प्रकाश पार्नु भएको थियो ।
