खिमराज चालिसे, चंडिगढ ।
भारतस्थित नेपालीहरुको अभिभावक संगठन मूल प्रवाह अखिल भारत नेपाली एकता समाजको ४२ औँ स्थापना दिवस भब्यरुपमा मनाइएको छ । कोरोनाको त्रासबीच लामो समयपछि प्रत्यक्ष सभा गरी स्थापना दिवस मनाइएको हो ।
शनिबार मूल प्रवाह चंडीगढ़ नगर समितीले आयोजना गरेको कार्यक्रममा दर्जनौं नेता कार्यकर्ताहरुको उपस्थिति थियो । कार्यक्रममा समाजका केन्द्रीय सदस्य दिनेश खडकाले मूल प्रवाहले भारतस्थित नेपालीहरुको हक हितका लागि गरेको संघर्षबारे प्रष्ट पार्नुभएको थियो । उहाँले मूल प्रवाहको ऐतिहासिक पृष्ठभूमि तथा भारतस्थित नेपालीहरुका समस्या बारे आफ्नो धारणा राख्नुभएको थियो ।
कार्यक्रममा मूल प्रवाहका केन्द्रीय सल्लाहकार एवं युगदर्शनका सम्वाददाता खिमराज चालिसे, महिला क्षेत्रीय सचिव जुना चालिसे, सदस्य सिमा खडका, जनजाति विभागका थमन थापा, रक्तिम विभागकी सरस्वता भुसाल, महिला नगर विभागकि विष्णु अर्याल, समता विभागका दुर्गा विक, विद्यार्थी केन्द्रीय सदस्य विष्णु वेल्वासे, क्षेत्रीय सदस्य सुरज चालिसे, नगर सचिव राम पंथी, मोहाली एरिया अध्यक्ष बालाराम न्यौपाने, सिटि एरिया अध्यक्ष दुर्गा विक, पंचकुला एरिया अध्यक्ष सुरेश आचार्य, इन्डस्ट्रीयल एरिया सचिव थानेश्वर पांडे, लगाएत हुनुहुन्थ्यो ।
नगर अध्यक्ष मान बहादुर केसीको अध्यक्षतामा तथा सचिव तेज बहादुर रोकाको सञ्चालनमा भएको सभामा कोषाध्यक्ष किसन खनालले स्वागत गर्नुभएको थियो ।
