वापी । प्रवासी नेपाली संघ भारत परित्याग गरी ९० नेता कार्यकर्ताहरु मूल प्रवाह अखिल भारत नेपाली एकता समाजमा प्रवेश गर्नुभएको छ । २९ अक्टुबरका दिन प्रवासी संघ परित्याग गर्नुभएका उहाँहरुलाई आइतबार मूल प्रवाहमा स्वागत गरी संगठित गरिएको छ ।

शोषित पीडित नेपालीको पक्षमा काम गर्ने सवालमा नै गम्भीर समस्या देखिएको भन्दै प्रवासी नेपाली संघ, भारत गुजरात–महाराष्ट्र संयुक्त राज्य समितिका सदस्य कृष्ण कुँवरको नेतृत्वमा राज्य समितिका सदस्यहरु हरि काउछा, निखिल रावत, विनिता काउछा, देवेन्द्र रावल, देवराज जोशीले संयुक्त राजीनामा दिनुभएको थियो ।

उहाँहरुलाई आइतबार मूल प्रवाह अखिल भारत नेपाली एकता समाजका केन्द्रीय सदस्य गोविन्द बहादुर थापा र रमकला काउछा, केन्द्रीय सदस्य तथा क्षेत्रीय अध्यक्ष बेद बहादुर कार्की, क्षेत्रीय सहसचिव प्रविण काउछाले मूल प्रवाहमा विधिवत रुपमा प्रवेश गराउनु भएको छ । उहाँहरुको प्रवेशसँगै वापी पश्चिम नगर समितिको भेला सम्पन्न गरी नगर समिति पुनर्गठन गरिएको छ ।

मूल प्रवाहका केन्द्रीय सदस्य गोविन्द बहादुर थापाले भेलालाई सम्बोधन गर्दै मूल प्रवाहले शोषित पीडितहरुको पक्षमा गर्दै आएको संघर्ष र नेपालमा हुने विभिन्न प्रकार जनसरोकारसँग जोडिएका आन्दोलनहरुमा खेलेको भूमिकाको बारेमा प्रष्ट्याउनु भएको थियो ।

‘एकता समाजको स्थापना नेपालीहरुका बीचमा सामाजिक भावनाको विकाशका गरिएको हो’ थापाले भन्नुभयो, ‘यहाँ कसैलाई पूर्व र पश्चिमको नजरियाले हरिदैन । केवल नेपालीको हैसियतले हरिन्छ ।’

कसैले क्षेत्रीयता वा भेगीय आधारमा चर्चा गरेर आफ्नो स्वार्थपूर्तिका लागि राजनीति गर्दछ भने पनि संगठनले त्यसप्रकारका कृयाकलापको भण्डाफोर गर्दै आएको समेत थापाको थप भनाई थियो । थापाले नव आगन्तुक साथीहरुलाई स्वागत गर्नुभएको थियो ।
नयाँ समितिको घोषणा क्षेत्रीय अध्यक्ष वेदबहादुर काकीले गर्नुभएको थियो ।

भेलाले भेलाले निखिल रावतको अध्यक्षतामा १७ पुर्ण ४ बैकल्पिक ४ सल्लाकार सहित २५ सदस्यीय नगर समिति चयन गरिएको छ । जसमाः उपाध्यक्ष– देबेन्द्र रावल, सचिव– हरि काउछा, सहसचिव– दामोदर बटला र कोषाध्यक्ष– विना काउछा रहनुभएको छ ।

त्यस्तै सदस्यमाः मोहन ठकुल्ला, रिम राना, जित ठकुल्ला, भोज केसी, तेजेन्द्र चलाउने, टंक कुँवर, भुपाल कुँवर, देवकृष्ण परियार, पुष्करनाथ योगी, वैकल्पिक सदस्यमाः शेर बहादुर कुँवर, आरसी ठकुरी, मान बहादुर रावल र दिनेश खड्का रहनुभएको छ । भेलाले टेक बहादुर खड्का, सञ्जय आहुजी, नारायण खड्का, केशर खड्का, प्रविण काउछा र कृष्ण कुँवरलाई सल्लाहकार चयन गरेको छ ।

निखिल रावतको सञ्चालन, कृष्ण कुँवरको अध्यक्षता र देवेन्द्र रावलको स्वागत मन्तव्यबाट अगाडि बढेको सो भेलामा क्षेत्रीय सदस्य बाबुराम दहित, दमन नगर समितिका अध्यक्ष शेर बहादुर विक, वापी पूर्व नगर समितिका सचिव गन बहादुर राना लगायत नेताहरु उपस्थित हुनुहुन्थ्यो ।