सरोजमान सिंह, गलकोट ।
अखिल नेपाल युवक संघका पूर्व अध्यक्ष हेमप्रसाद पुनको स्मृतिमा श्री सानो रिघा आधारभुत विद्यालयमा ५०हनार रुपैयाँको अक्षयकोष स्थापना गरिएको छ । पाप्त ब्याज रकमबाट जेहन्दार तथा आर्थिक रुपमा विपन्न विद्यार्थीलाई पढाइमा सहयोग पुर्याउने उद्देश्यले अक्षयकोष स्थापना गरिएको हो ।
शुक्रबार बागलुङको गल्कोट नगरपालिका–११ रिघामा आयोजित हेमप्रसाद पुनको १४ औं स्मृति दिवसमा सो अक्षयकोषको स्थापना गरिएको हो ।
प्रतिष्ठानले विद्यालयका प्रधानध्यापक नरेन्द्र पुन र व्यवस्थापन समितिका अध्यक्ष भक्तिराम पुनलाई अक्षयकोषको रकम हस्तारण गरेको थियो । स्वा. हेम पुन विद्यालयको संस्थापक सदस्यसमेत हुनुहुन्थ्यो ।
प्रतिष्ठानका अध्यक्ष बलबहादुर पुनको अध्यक्षता र सचिव दलबहादुर बुढाथोकीको सन्चालनमा अगाडि बढेको भेलामा १४औँ स्मृतिसम्म आईपुग्दा गरिएको सामाजिक गतिविधिहरुको बारेमा समिक्षा गरिएको थियो ।
प्रतिष्ठानले लामो समयदेखि गल्कोट क्षेत्रमा सामाजिक सेवा सहित कार्यक्रम अगाडि बढाइरहेको छ । विभिन्न समस्याले पीडित व्यक्तिहरुलाई सहयोग समेत गरिएको प्रतिष्ठानले जनाएको छ ।
हेमप्रसाद पुन स्मृति प्रतिष्ठानले गल्कोट ११ सानोरिघामा उहाँको नाममा प्रतिक्षालय समेत निर्माण गरेको छ। स्मृति कार्यक्रममा राष्ट्रिय जनमोर्चा बाग्लुङका जिल्ला सदस्य कृष्णा पुन, अनेरास्ववियु (छैठौं) का केन्द्रीय सदस्य सरोजमान सिंहको समेत आथित्य रहेको थियो ।
