काठमाडौं । कोरोना संक्रमणका कारण पत्रकार बिष्णु चौलागाईंको निधन भएको छ । काभ्रे पोस्ट साप्ताहिकका सम्पादक ५१ वर्षीय चौलागाईंको काठमाडौंको चावहिलस्थित ओम अस्पतालमा उपचारका क्रममा शुक्रबार बिहान निधन भएको हो ।

गत असोज २६ गते कोरोना संक्रमण पुष्टि भएपछि उनी होम आइसोलेसनमा बसेका थिए । उनमा निमोनिया र श्वास प्रश्वासको समस्या बढ्दै गएपछि कात्तिक १ गते उपचारका लागि ओम अस्पतालमा भर्ना गरिएको थियो । यद्यपि चौलागाईको एक हप्ताअघि मात्रै कोरोना संक्रमण नेगेटिभ रिपोर्ट आएको थियो ।

काभ्रेको कोशीपारी चौंरी देउराली गाउँपालिकाका बासिन्द चौलागाईं काठमाडौं बस्दै आएका थिए । चौलागाईंका एक छोरी, एक छोरा र श्रीमती छन् ।