काठमाडौँ । एक पटक कोरोना सङ्क्रमण उच्च भएर घट्दै गएका युरोपियन देशहरूमा फेरि सङ्क्रमण बढ्दै गएको छ । गत तीन दिनसम्मका शीर्ष १० सङ्क्रमित देशको तथ्याङ्क हेर्दा यस्तो देखिएको हो ।
गैरसरकारी अनुसन्धान संस्था वल्र्डोमिटर्सका अनुसार पछिल्लो २४ घण्टामा फ्रान्समा ३६ हजार ४३७ जना, इटलीमा २४ हजार ९९१ जना, बेलायतमा २४ हजार ७०१ जना, स्पेनमा १९ हजार ७६५ जना, पोल्यान्डमा १८ हजार ८२० जना, रुसमा १६ हजार २०२ जना, जर्मनीमा १६ हजार २०२ जना, बेल्जियममा १३ हजार ५७१ जना, चेक गणतन्त्रमा १२ हजार ९८० जना र स्विटजरल्यान्डमा ८ हजार ६१६ जना नयाँ सङ्क्रमित थपिएका छन् ।
हिजो बिहानसम्मको २४ घण्टाको तथ्याङ्क हेर्ने हो भने फ्रान्समा ३३ हजार ४१७ जना, बेलायतमा २२ हजार ८८४ जना, इटलीमा २१ हजार ९९१ जना, स्पेनमा १८ हजार ४१८ जना, रुसमा १६ हजार ५५० जना, पोल्यान्डमा १६ हजार ३०० जना, जर्मनीमा १३ हजार १६१ जना, बेल्जियममा १२ हजार ६८७ जना र नेदरल्यान्ड्समा १० हजार २९२ नयाँ सङ्क्रमित थपिएका थिए ।
अस्ति बिहानसम्मको २४ घण्टाको तथ्याङ्कमा फ्रान्समा २६ हजार ७७१ जना, बेलायतमा २० हजार ८९० जना, स्विटजरल्यान्डमा १७ हजार ४४० जना, स्पेनमा १७ हजार ३९६ जना, रुसमा १७ हजार ३४७ जना, इटलीमा १७ हजार ७ जना, बेल्जियममा १५ हजार ६२२ जना, जर्मनीमा १२ हजार ६२१ जना र नेदरल्यान्ड्समा १० हजार ३४३ जना र चेक गणतन्त्रमा १० हजार २७३ जना नयाँ सङ्क्रमित थपिएका थिए ।
हालसम्मको सबैभन्दा बढी सङ्क्रणयुक्त १० युरोपियन देशमा रुस १५ लाख ६३ हजार ९७६, फ्रान्स १२ लाख ३५ हजार १३२, स्पेन ११ लाख ९४ हजार ६८१, बेलायत ९ लाख ४२ हजार २७५, इटली ५ लाख ८९ हजार ७६६, जर्मनी ४ लाख ७९ हजार ६२१, युक्रेन ३ लाख ६३ हजार ७५, बेल्जियम ३ लाख ४७ हजार २८९, नेदरल्यान्ड्स ३ लाख १९ हजार ९९१ र पोल्यान्ड २ लाख ९९ हजार ४९ रहेका छन् ।
युरोपमा हालसम्म ९१ लाख ५ हजार २३७ जना सङ्क्रमित देखिएका छन् ।
