काठमाडौं । नेपालमा पछिल्लो २४ घण्टामा थप ४ हजार ४९९ जनामा कोरोना भाइरसको संक्रमण पष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरमा थप ४ हजार ४९९ जनामा कोरोना स।क्रमण पुष्टि भएको हो ।
योसँगै नेपालमा कोरोना संक्रमितको संख्या १ लाख ५३ हजार हजार ८ पुगेको छ । मन्त्रालयका अनुसार पछिल्लो २४ घण्टामा १६ हजार ८६३ पीसीआर परीक्षण गरिएको थियो ।
त्यस्तै पछिल्लो २४ घण्टामा थप २ हजार ६६८ जना कोरोना संक्रमित निको भएका छन् । योसँगै निको हुनेको संख्या १ लाख ५ हजार ४८८ पुगेको छ ।
मन्त्रालयका अनुसार कुल संक्रमितमध्ये ६८.९ प्रतिशत निको भएका छन् । यस्तै, शुक्रबार १७ जनाको मृत्युसँगै नेपालमा कोरोना संक्रमणबाट मृत्यु हुनेको संख्या ८ सय २९ पुगेको छ ।
कुन जिल्लामा कति थपिए ?
स्वास्थ्य तथा जनसंख्या मन्त्रालयका अनुसार उपत्यकाका तीन जिल्लाका २ हजार ७२० सहित देशभरमा थप ४ हजार ४९९ जनामा कोरोना पुष्टि भएको हो ।
शुक्रबार सबैभन्दा बढी काठमाडौँमा २ हजार ३५७ जनामा कोरोना पुष्टि भएको छ । यो कूल संक्रमितको आधाभन्दा बढी संख्या हो ।
मन्त्रालयका अनुसार बढी संक्रमित थपिने अन्य जिल्लामा ललितपुरका २३६ मोरङका २२३ , काभ्रेका १६१, रुपन्देहीका १५२, चितवनका १४९, सुनसरीका १३८, भक्तपुरका १२७ जना छन् ।
त्यस्तै दाङका ९२, बाँकेका ७९, झापाका ७४, मकवानपुरका ७१, कैलालीका ५३, सप्तरीका ४१, नवलपरासीका ४०, सिन्धुली र नवलपुरका २८÷२८ जना, उदयपपुरका २७, दोलखाका २२, सिन्धुपाल्चोकका २१, रामेछापका २०, धादिङ र कपिलवस्तुका १६र१६ जना तथा धनुषा, रौतहट, सिराहा र गुल्मीका १४र१४ जनामा कोरोना संक्रमण पुष्टि भएको छ ।
