खिमराज चालिसे, चंडीगढ़ ।
भारतको उत्तराखण्ड राज्यको रुद्रपुरमा एक नेपाली युवकको सडक दुर्घटनामा परि मृत्यु भएको छ । १६ अक्टुवरको बिहान टेम्पु ट्रावल गाडी हिमाञ्चलको शिमला टनकपुर जाँदैगर्दा उत्तराखण्ड राज्यको रुद्रपुर पिलीभीत जाने बाटोमा दुर्घटना भएको थियो ।
दुर्घटना घाइते भएका ३४ वर्षका रमेश सुनारको आज बिहानै बरेली श्रीरामकिशोर मेमोरियल अस्पतालमा मृत्यु भएको हो ।मृतकका आफन्त दिनेश परियारले घटनास्थलबाट दिएको जानकारी अनुसार मृतक एक ट्रावल्समा कार्यरत थिए ।
उनको टाउको तथा छातीमा गम्भीर चोट लागेको भएपनि अन्य यात्रु भने सामान्य घाइते भएको र प्राथमिक उपचार पछि घर फर्किएको जनाइएको छ ।
मृतक पाल्पा जिल्ला, रिव्दीकोट गाउँपालिका–३ खसौली निवासी खडक सुनारको छोरा हुन् । उनको घरमा श्रीमती, ९ वर्षिया छोरी र १ वर्षिय छोरा रहेका छन्। दिनेशका अनुसार शवलाइ नेपालमै दाहासंस्कार गर्ने गरि एम्बुलेन्समा आज नेपाल पठाइएको छ ।
