चेन्नई । मूल प्रवाह अखिल भारत नेपाली एकता समाज चेन्नई दक्षिण नगर समितिको तत्वावधानमा क्षेत्रीय सदस्य लक्ष्मी पन्थी र दक्षिण नगर सदस्य तथा केन्द्रीय पार्षद शिव पन्थीलाई एक समारोहबीच विदाई गरिएको छ ।
आइतबार आयोजित विदाई कार्यक्रमको अध्यक्षता दक्षिण नगरका जीवन शर्माले, सञ्चालन लोकेन्द्र पौडेलले र सुनिता बस्यालले स्वागत गर्नु भएको थियो ।
कार्यक्रममा समाजका केन्द्रीय उपाध्यक्ष देव बहादुर लामिछाने, केन्द्रीय सदस्य केबी थापा, मदन शर्मा, महेन्द्र बस्यालले आतित्थ्यता गर्नुभएको थियो । लक्ष्मी पन्थी र शिव पन्थीलाई दोसल्ला ओडाएर सम्मानसहित मञ्चमा आशनग्रहण गराइएको थियो ।
शिव पन्थी १९८७ देखि चेन्नईस्थित सरावना भवनमा सहायक प्रबन्धकको रूपमा कार्यरत रहनुका साथै मूल प्रवाह अखिल भारत नेपाली एकता समाजमा आबद्ध भई संगठनका बिभिन्न पदमा रहेर अनुशासित र जिम्मेवारी पूर्वक काम गर्दै आउनु भएको थियो ।
जनतासँग जोडिएका कैयन प्रशासनिक कार्यहरू सफल पार्न र बिरामीहरूको उपचार गर्राउने लगायत जनताका कार्यहरू सफल पार्न हमेसा अग्रपंतिमा रहेर काम गर्नु भएको थियो ।
कार्यक्रममा केबी थापा, देव बहादुर लामिछाने, मदन शर्मा, महेन्द्र बस्याल, बुद्धिराम पौडेल, पदम पौडेल, हेमराज रिजाल, राजु अधिकारी, हिरामणी शर्मा, पुष्पा पौडेल, देवी रिजाल, इन्द्रदेवी शर्मा, दुर्गा देवी सुवेदी र प्रेमसागर सुवेदी लगायतले विदाई मन्तव्य दिनुभएको थियो ।
विदाई समारोहमा मूल प्रवाहका नेता कार्यकर्ताहरुले शिव र लक्ष्मीलाई दोसल्ला ओढाएर सम्मान प्रकट गर्नुभएको थियो । उहाँहरु स्वदेश प्यूठान जिल्ला, स्वर्गद्वारी ७ वर्जीवाङ निवासी हुनुहुन्छ ।
