काठमाडौं । नयाँ नियुक्त भएका तीन जना मन्त्रीहरूले बिहीबार बिहान राष्ट्रपति विद्यादेवी भण्डारीबाट पद तथा गोपनीयताको शपथ लिएका छन् ।

शितल निवासमा आयोजित विशेष समारोहमा राष्ट्रपति भण्डारीले अर्थमन्त्री विष्णु पौडेल, सहरी विकास मन्त्री कृष्ण गोपाल श्रेष्ठ, महिला, बालबालिका तथा वरिष्ठ नागरिक मन्त्री लीलानाथ श्रेष्ठलाई पद र गोप्य शपथ ग्रहण गराउनुभएको हो ।

सो अवसरमा उपराष्ट्रपति नन्दबहादुर पुन, प्रधानमन्त्री केपी शर्मा ओली, सभापति अग्निप्रसाद सापकोटा, राष्ट्रिय सभाका अध्यक्ष गणेश तिमिल्सिनालगायत उच्च अधिकारीहरु उपस्थित थिए ।

मन्त्रीहरूले बिहीबार आफ्नै कार्यकक्षमा पुगेर कार्यभार ग्रहण गर्नेछन् ।