काठमाडौँ । सरकारले कोरोना बामा गरेकाहरूको हकमा निःशुल्क उपचार नगर्ने भएको छ । स्वास्थ्य मन्त्रालयका प्रवक्ता प्रा.डा. जागेश्वर गौतमले आजको नियमित पत्रकार सम्मेलनमा सो जानकारी गराउनुभएको हो ।
पत्रकार सम्मेलनमा आर्थिक रूपले विपन्न, एकल महिला, अति अपाङ्गता भएका व्यक्तिको मात्रै निःशुल्क कोरोना परीक्षण गर्ने बताउँदै सरकारले सङ्क्रमित व्यक्तिले कोरोना बिमा गरेको भए खर्च बिमा रकमबाट नै व्यवस्थापन गर्नुपर्ने मन्त्रालयका प्रवक्ता गौतमले बताउनुभयो ।
सरकारले ज्येष्ठ नागरिक, अग्रपङ्क्तिमा खटिएका स्वास्थ्यकर्मी, सुरक्षाकर्मी, सफाइकर्मी र जोखिमक्षेत्रमा कार्यरतमा कर्मचारीमा लक्षण देखिए मात्रै निःशुल्क परीक्षण गर्ने उहाँले बताउनुभयो ।
आज कोरोना भाइरस (कोभिड—१९) का थप २६ सय ३८ जना संक्रमित थपिएका छन । १३ हजार ९ सय ४७ जनाको पिसिआर परीक्षण भएकोमा २ हजार ६ सय ३८ जनामा सङ्क्रमण देखिएको हो । त्यसमध्ये काठमाडौँमा ९ सय ९६, भक्तपुरमा १ सय २ र ललितपुरमा ३ सय ५ जनामा संक्रमण देखिएको छ ।
