काठमाडौं । नेपालमा शनिबार थप ५ हजार ८ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयले दिएको जानकारी अनुसार देशभरमा थप ५ हजार ८ जनामा कोरोना भाइरसको संक्रमण देखिएको हो ।
आज १९ हजार ३२० जनाको पीसीआर परीक्षण गरिएको मन्त्रालयका प्रवक्ता जागेश्वर गौतमले बताउनुभयो । डा. गौतमका अनुुसार आज देशभरमा सक्रिय संक्रमितको संख्या ३० हजार ८१८ रहेको छ । आज देशभरमा संस्थागत आइसोलेनमा १३ हजार ६४५ जना रहेका छन् ।
त्यस्तै पछिल्लो २४ घण्टामा थप १ हजार २२९ जना निको भएसँगै नेपालमा कोरोना निको हुनेको संख्या ७४ हजार २५२ पुगेको छ । यो कूल संक्रमितको ७०.२ प्रतिशत हो।
उपत्यकामा २६ सय ७२ जनामा कोरोना पुष्टि
काठमाडौँ उपत्यकामा पछिल्लो २४ घण्टामा थप २ हजार ६७२ जनामा कोरोना भाइरसको संक्रमण पुष्टि भएको छ । मन्त्रालयले दिएको जनाकारी अनुसार उपत्यकाका ३ जिल्लामा थप २ हजार ६७२ जनामा कोरोना भाइरसको संक्रमण देखिएको हो ।
प्रवक्ता डा. गौतमका अनुुसार आज उपत्यकाका काठमाडौंमा २ हजार १०० भक्तपुरमा २०३ र ललितपुरमा ३६९ जनामा कोरोना पुष्टि भएको हो ।
