काठमाडौं । नेपालमा कोरोना सङ्क्रमितको सङ्ख्या एक लाख नाघेको छ। शुक्रबार थप २ हजार ५९ जनामा सङ्क्रमण पुष्टि भएपछि सङ्क्रमितको सङ्ख्या १ लाख ६ सय ७६ पुगेको स्वास्थ्य मन्त्रालयले जनाएको छ।
मन्त्रालयका अनुसार गएको २४ घण्टामा नेपालमा दुई हजार ५९ जनामा कोरोना सङ्क्रमण पुष्टि भएको हो। १३ हजार दुई सय ७९ जनामा गरिएको परीक्षणमा सो सङ्ख्यामा सङ्क्रमित फेला परेका नियमित प्रेस ब्रिफ्रिङका क्रममा स्वास्थ्य तथा जनसङ्ख्या मन्त्रालयका प्रवक्ता प्रा.डा. जागेश्वर गौतमले बताउनुभयो ।
डा. गौतमका अनुसार आज काठामाडौँ उपत्यकामा मात्रै १४ सय नौ जनामा सङ्क्रमण पुष्टि भएको छ; जसमा काठमाडौँमा ११ सय १६, भक्तपुरमा १३० र ललितपुरमा १६३ जना रहेका छन् ।
शुक्रबार देशभर सक्रिय सङ्क्रमितको सङ्ख्या २७ हजार ५३ जना रहेका छन्।
गौतमले दिएको जानकारीअनुसार पछिल्लो २४ घण्टामा १६८० जना डिस्चार्ज भएका छन्। सङ्क्रमितमध्ये ७२।५ प्रतिशत निको भएका छन्। अहिलेसम्म डिस्चार्ज हुनेको सङ्ख्या ७३०२३ रहेको छ।
