शंकरप्रसाद पोख्रेल, गुल्मी
अखिल नेपाल युवक सङ्घ प्युठानका जिल्ला सदस्य अर्जुन विकले सूर्य विकको नाममा पचास हजारको अक्षय स्मृति कोष स्थापन गर्नुभएको छ।
नेपाल पत्रकार महासङ्घ प्युठानको बिसौँ स्थापना दिवसको अवसर पारेर सूर्य विकको भाइसमेत पर्नुहुने अर्जुन विकले आफ्नो दाजु सूर्य विकले स्थापना गरी नेतृत्व गरेको राज्यको चौथो अङ्ग मानिने पत्रकार महासङ्घ प्युठान स्मृतिकोष खडा गर्नु भएको हो।
भाइ अर्जुन विकले आफ्नो दाजुले गरेको सामाजिक कार्यले गर्दा आफू पनि प्युठानी जनतामाझ परिचित भएको युगदर्शनलार्इ बताउनुभयो ।
सूर्य विकको नाममा बालज्योति प्रावि झिमरुक–५ कुटेडाँडामा आफ्नै गाउँमा रहेको विद्यालयमा एक लाख रुपैयाबराबर लागतको एककोठे भवन निर्माण गरिदिनुभएको छ । अहिले खडा गरेको पचास हजारको अक्षय स्मृतिकोषबाट उत्कृष्ट ,स्वतन्त्र र निस्पक्ष पत्रकारिता गर्ने पत्रकारमध्येबाट दुई जनालार्इ हरेक साल पुरस्कृत गरिने अर्जुन विकले जानकारी दिनुभयो ।
अर्जुन विकका दाजु सूर्य विक २०५८ सालमा संस्थाको संस्थापक अध्यक्ष हुनुहुन्थ्यो । सूर्य विक तत्कालीन राष्ट्रिय जनमोर्चा प्युठानको युवा नेता पनि हुनुहुन्थ्यो ।उहाँ सबै प्युठानी जनताको प्यारो पनि हुनुहुन्थ्यो । सूर्य विकको २०७१ भाद्र २९ गते यात्राको क्रममा प्युठानबाट बुटवल जाँदा सालझण्डीमा आफ्नै गाडीमा दुर्घटना हुँदा दुःखद मृत्यु भएको भियो ।
सूर्य विकको दुई छोरा, एक छोरी र श्रीमती हुनुहुन्छ भने एक दाजु र एक भाइ पनि हुनुहुन्छ।
