धनबीर पुन, नयाँ दिल्ली ।
मोहन वैद्य नेतृत्वको नेकपा (क्रान्तिकारी माओवादी) निकट अखिल भारत नेपाली एकता समाजका तत्कालिन केन्द्रीय सदस्य नविन थापा मगर मूल प्रवाह अखिल भारत नेपाली एकता समाजमा प्रवेश गर्नुभएको छ ।
केही समय अगाडि सो समूह परित्याग गर्नुभएका थापाले मंगलबार मूल प्रवाहका केन्द्रीय सल्लाहकार धनबीर पुनबाट सदस्यता लिनुभएको छ ।
मूल प्रवाहमा प्रवेश गरेलगत्तै थापाले संगठन निर्माणसमेत सुरु गर्नुभएको छ । उहाँकै पहलमा हिमांञ्चल राज्य समिति अन्तर्गत कुल्लु जिल्लाको कटराईमा समाजको नगर भेला सम्पन्न भएको छ । कोरोना संक्रमणका बावजुद भारतस्थित नेपालीहरु मूल प्रवाहमा संगठित भएका हुन् ।
कुल बहादुर रेश्मी मगरको अध्यक्षतामा गठित नगर संगठन समितिको उपाध्यक्षमा दीपक थापा मगर, सचिव चन्द्र राहुँ मगर, सहसचिव केशव थापा मगर र कोषाध्यक्षमा विर बहादुर तंनामी मगर चयन हुनुभएको छ ।
त्यस्तै सदस्यहरुमा पवित्रा कुमारी थापा मगर, माया राहुँ मगर, वर्षा थापा मगर, चन्द्र बहादुर हौजाली मगर, वैकल्पिक सदस्यमा सविता हौजाली र मिना कुमारी नेपाली रहनुभएको छ ।
भेलाले कुमारी थापा मगर, खुमानसिंह थापा मगर, धन बहादुर नेपाली र छविन्द्र ढेंगा मगरलाई सल्लाहकार चयन गरेको छ ।
भेलामा नेता थापाले मूल प्रवाह अखिल भारत नेपाली एकता समाजको महत्व र भारत प्रवासमा संगठनले खेलेको भूमिकाको बारेमा प्रकाश पार्नु भएको थियो ।
