काठमाडौं । काठमाडौंको कागेश्वरी मनहरा नगरपालिका–९ गोठाटारमा करिब डेढ वर्ष अघि हत्या गरिएकी ३६ वार्षीया पम्फा श्रेष्ठ हत्याका अभियुक्त पक्राउ परेका छन्।
महानगरीय अपराध महाशाखाले घटनापछि फरार रहेका मुख्य आरोपी विनय श्रेष्ठ भन्ने विनय माझीलाई हेटौँडाबाट पक्राउ गरेको हो।
माझीले गोठाटारस्थित रमेश श्रेष्ठको अस्थायी टहरामा सिन्धुपाल्चोक कर्थली–३ स्थायी घर भई जोरपाटी नयाँबस्ती बस्ने पम्फा श्रेष्ठलाई बन्धक बनाई हत्या गरेर फरार भएको खुलेको छ।
अनुसन्धानमा माझीले मृतक पम्फा श्रेष्ठलाई विभिन्न बहाना गरी निजको डेराकोठामा लगेर २०७६ वैशाख ३० गते देखी जबरजस्ती बन्धक बनाई राखेर हत्या गरेका पाइएको छ।
प्रहरीका अनुसार शव कोठामै छाडेर उनले बाहिरबाट ताला लगाई फरार भएका थिए। प्रहरीको रोहबरमा सोही वर्ष जेठ ५ ताला फोडी हेर्दा मृत अवस्थामा खाटमा पुष्पाको शव फेला परेको थियो।
माझिले हत्यापछि सोम बहादुर राईको नामबाट जिल्ला प्रशासन कार्यालय मकवानपुरबाट नागरिकता निकालेको पाइएकोले सो सम्बन्धमा समेत अनुसन्धान जारी रहेको महाशाखाले जनाएको छ। आवश्यक अनुसन्धानका लागि विनय श्रेष्ठ भन्ने विनय माझीलाई महानगरीय प्रहरी वृत नयाँ बानेश्वर पठाइएको महाशाखाले जनाएको छ।
