काठमाडौँ । नेपालमा कोरोना भाइरस (कोभिड—१९) बाट थप १९ जनाको मृत्यु भएको छ । स्वास्थ्य तथा जनसङ्ख्या मन्त्रालयका अनुसार ५ महिला र १४ जना पुरुषको कोरोनाबाट मृत्यु भएको हो । काठमाडौँमा तीन महिलासहित ९ जनाको मृत्यु भएको छ ।
मन्त्रालयका अनुसार काठमाडौंमा ७६ वर्षीया, ८१ वर्षिया र ८३ वर्षीया महिलाको मृत्यु भएको छ । यस्तै काठमाडौँमै २६ वर्षीय, ६५ वर्षीय, ६७ वर्षीय, ७८ वर्षीय, ८१ वर्षीय, ९१ वर्षीय पुरुषको मृत्यु भएको छ । पर्सामा ६५ र गोरखामा ४५ वर्षीया महिलाको मृत्यु भएको छ ।
यस्तै ललितपुरमा ३ वर्षीय बालक, ५५ वर्षीय पुरुष र ७१ वर्षीय पुरुषको मृत्यु भएको मन्त्रालयले जनाएको छ । यसैगरी सर्लाहीमा ४२ वर्षीय र ६९ वर्षीय पुरुष, सुनसरीमा ५५ वर्षीय पुरुष चितवनमा ६२ वर्षीय पुरुष नवलपरासी पूर्वमा ३६ वर्षीय पुरुषको मृत्यु भएको छ । यो सँगै नेपालमा कोरोनाबाट मृत्यु हुनेको सङ्ख्या ५ सय ५४ पुगेको छ ।
आज नेपालमा थप २ हजार ४ सय ४० जनामा कोरोना देखिएको छ । १३ हजार ७ सय ८१ पिसिआर परीक्षण भएकोमा ९ सय ३७ महिला र १५ सय ३ जना पुरुषमा सङ्क्रमण देखिएको हो । काठमाडौँमा ११ सय ७८, ललितपुरमा २ सय ५० र भक्तपुरमा १ सय ३ जनामा सङ्क्रमण देखिएको छ । योसँगै नेपालमा कोरोना सङ्क्रमितको सङ्ख्या ८९ हजार २ सय ६३ पुगेको छ ।
देशभरि सक्रिय सङ्क्रमितको सङ्ख्या २३ हजार ५ सय ७ पुगेको छ ।
आज देशभरि संस्थागत आइसोलेसनमा ११ हजार ९ सय ९१ जना रहेका छन भने होम आइसोलेसनमा १२ हजार ३ सय १६ जना सङ्क्रमित होम आइसोलेसनमा रहेका छन । आइसियूमा २ सय ३३ र भेन्टिलेटरमा ४३ जना सङ्क्रमित उपचाररत रहेका छन् ।
आज ११ सय ३३ जना कोरोना सङ्क्रमित निको भएर घर फर्किएका छन । यो सँगै देशभर ६५ हजार २ सय २ जना डिस्चार्ज भएका छन् ।
