सुमन शर्मा, भरतपुर ।
एमसीसी र सीमा अतिक्रमणविरुद्ध चितवनमा संयुक्त विरोध प्रदर्शन गरिएको छ । नेकपा (मसाल), नेकपा (क्रान्तिकारी माओवादी), राष्ट्रिय जनमोर्चा लगायत चितवनमा क्रियाशील राजनीतिक दलहरुले शनिबार प्रदर्शन गरेका हुन् ।
‘कालापानी, लिपुलेक, लिम्पियाधुरा लगायतका नेपालको सीमा अतिक्रम बन्द गर, सीमाको बैज्ञानिक नियमन र व्यवस्थापन गरि अतिक्रमित भूभाग फिर्ता गर’ भन्ने मूल नाराका साथ भरतपुरमा जुलुशसहित विरोध प्रदर्शन भएको हो ।
सभामा राष्ट्रिय जनमोर्चाका जिल्ला अध्यक्ष एवम् केन्द्रीय सचिव डम्बर पुरीले वर्तमान सरकारले नक्सा जारी गर्नु मात्र ठूलो कुरा नभएर मिचिएको भूमी फिर्ता गर्न पहल गर्नुपर्ने बताउनुभयो । उहाँले अनावश्यक प्राचारात्मक कोरोना आतंक बन्द गरि आवस्यक सुरक्षा प्रबन्धका साथ देशमा उत्पादन, उपभोग, व्यापार, कृषि, शिक्षा लगातका सम्पूर्ण क्षेत्र सुचारु गर्नुपर्ने आवश्यकतमा जोड दिनुभयो ।
साथै उहाँले वर्तमान सरकारले भ्रस्टाचार, कालोबजारी, महंगी, हत्या, हिंसा नियन्त्रण गर्नुको सट्टा प्रसय दिने काममा लिप्त रहेको र वर्तमान सरकारमा कम्युनिस्ट पार्टीका कुनै पनि आचारण र व्यवहार नभएकोले कम्युनिस्ट सरकार भनेर कसैले पनि भ्रममा नपर्न अनुरोध गर्नुभयो ।
कार्यक्रममा देशभक्त जनगणतान्त्रिक मोर्चा जिल्ला सचिव अम्बिका मुड्भरी, राष्ट्रिय जागरण मन्च जिल्ला संयोजक प्रकाश ढकाल, बैज्ञानिक समाजबादी पार्टीकि नेत्री रामेश्वरी सुवेदी लगायतले बोल्नुभएको थियो भने कार्यक्रमको सन्चालन नेकपा (माले) का जिल्ला सचिव परशुराम लामिछानेले गर्नुभएको थियो ।
नारायणगढस्थित लायन्स चोकबाट शुरु भएको जुलुसमा सीमा अतिक्रमण बन्द गर, मिचिएको भूभाग फिर्ता गर, भारतीय जाली नक्सा खारेज गर, भ्रष्टाचार र कालोबजारीको अन्त्य गर, बढ्दो महंगी नियन्त्रण गर, महिला हिंसा अन्त्य गर, बलात्कारीलाई कारबाही गर,ू लगायतका नारा लगाउँदै पुलचोक पुगेर सभामा परिणत भएको थियो ।
कार्यक्रममा रक्तिम साँस्कृतिक अभियानका कलाकार एलिसा गौतम र कल्पना चालिसेले नृत्य प्रस्तुत गर्दा कार्यक्रम अझै जोशिलो भएको थियो ।
