खिमराज चालिसे, चंडीगढ़ (भारत) ।
भारतको पञ्जाव प्रहरी र चण्डीगढ प्रहरीबीच एरिया विवादका कारण एक नेपालीले दिएको उजुरी दर्ता हुन सकेको छैन । दुर्घटनामा घाइते भएका नेपालीले आफूलाई ठक्कर दिने अटो चालकविरुद्ध दिन खोजेको उजुरी घटनास्थलको एरिया कस्को क्षेत्रमा पर्ने भन्ने प्रहरीको विवादका कारण दर्ता नगरिएको हो ।
पञ्जाबको कांसल मोहाली जिल्ला मकान नम्बर ७७७ मा बस्ने नेपाली दम्पती सुक्रित बस्नेत र गीता बस्नेतलाई १ अक्टुवरका दिन चंडीगढ र पञ्जावको सिमानामा अटोले ठक्कर दिएको थियो । अटोको ठक्करबाट दाङ जिल्लाको त्रिपुरा गाउँपालिका तेहरा (ढिकपुर) स्थायी निवासी झग्गु बस्नेतका छोराबुहारी २५ वर्षीय सुक्रित र गिता घाइते भएका छन् ।
उनीहरु एक्टिवामा राशन किनेर नयागांवदेखि कान्सल आउँदै गर्दा अटोले पछाडीबाट हानेपछी दुवैजना घाइते हुन पुगेका थिए । उनीहरुलाइ आरोपी अटो चालकलेनै चंडिगढको सेक्टर १६ जनरल अस्पतालको गेटसम्म छोडेर फरार भएको पीडितले आरोप लगाएका छन् ।
शुक्रित बस्नेतको देब्रे खुट्टा फ्याक्चर भएको छ भने श्रीमती गितालाई पनि भित्रि चोट लागेको छ । घटनाविरुद्ध पुलीसमा प्राथमिकी दर्ज गराउने प्रयास भएपनि पंजाब पुलिस र चंडीगढ़ पुलिसबीच आपसमै घटनास्थलको सीमा विवाद भएका कारण तीन दिनसम्म पनि प्राथमिकी दर्ज नभएको पीडितहरुको गुनासो छ ।
घटना सम्वन्धमा मूल प्रवाह अखिल भारत नेपाली एकता समाज सुदूरपश्चिमोत्तर क्षत्रीय सदस्य विनु कुमार नेपालीले आवश्यक सहयोग गरिरहनुभएको छ ।
