गणेश अधिकारी, पोखरा ।
पोखराको मातृशिशु मितेरी अस्पतालले अक्सिजन पलान्ट कक्षको स्थापना गरेको छ । अस्पतालको चौथो वार्षिकोत्सवका अवसरमा गण्डकी प्रदेशका मुख्य मन्त्री पृथ्वीसुब्बा गुरुङले सो प्लान्टको उद्घाटन गर्नुभएको हो ।

त्यस क्रममा मुख्यमन्त्री गुरुङले प्रदेश सरकारले स्वास्थ्य क्षेत्रमा बढी ध्यान दिएको र प्रदेशका सबै जिल्लाका जिल्ला अस्पतालहरुको स्तरोन्नती गर्ने लक्ष्य लिएको बताउनु भयो ।

कार्यक्रममा गण्डकी प्रदेश सांसद तथा अस्पतालका संस्थापक अध्यक्ष कृष्ण थापा, सामाजिक विकास तथा स्वास्थ्य मन्त्रालयका सचिव कृष्ण प्रसाद आचार्य लगायत विभिन्न राजनीतिक दलका प्रतिनिधी, अस्पतालमा कार्यरत कर्मचारी तथा सरोकारवालाको उपस्थिती रहेको थियो ।

सूचना अधिकारी लक्षमण शर्माको स्वागत मन्तव्य राख्दै अस्पतालको प्रगति विवरण बारे जानकारी गराउनु भएको थियो ।
अस्पतालले विशेष गरि आमा र शिशुसँग जोडिएका सुत्केरी पूर्व र पछी उपलब्ध गराउने सेवा, खोप, अप्रेसन, गर्भ पतन, पाठेघर क्यान्सर सम्बन्धी चेक जाँच जस्ता थुप्रै सेवाहरु उपलब्ध गराएको र हाल २५ श्ययाको व्यवस्था रहेको जानकारी गराउनु भयो ।

कार्यक्रमको अध्यक्षता अस्पताल समितिकि अध्यक्ष उषा बरुवालले गर्नुभएको थियो भने सञ्चालन सबिता खड्काले गर्नु भएको थियो ।