खिमराज चालिसे, चंडिगढ (भारत) ।
मूल प्रवाह अखिल भारत नेपाली एकता समाज रोपड़ नगर समितिका सल्लाहकार चिरन्जीवी भुसाललाई विदाई गरिएको छ । लामो समयदेखि भारतमा काम गर्दै एकता समाजमा आवद्ध रहनुभएका भुसाल स्वदेश फर्कन लाग्नुभएकोले भुसाल र उहाँका श्रीमती धनकुमारीलाई मूल प्रवाहले सम्मानका साथ विदाई गरेको हो ।
पंजाबको रोपड स्थित पीएसपीसीएल थर्मल प्लान्टमा कार्यरत भुसाल सेवानिवृत्त हुनुभएको छ । भुसालको घर अर्घाखाँची भएपनि उहाँ तराइ रुपन्देहीको वुटवल नयाँमिलमा बसाइ सर्नु भएको छ ।
उहाँ मूल प्रवाहको रोपड़ नगरसमितिको संस्थापक सदस्य समेत हुनुहुन्छ । उहाँले सन् १९९० देखि मूलप्र वाहको नगर स्तरीय विभिन्न जिम्मेवारी निभाउँदै आउनु भएको छ । सेवानिवृत्त चिरन्जीवी भुसालले स्वदेशमा राजमो सम्वद्ध भएर काम गर्ने प्रतिवद्धता व्यक्त गर्नुभएको छ ।
उहाँलाई मूल प्रवाह रोपड़ नगरसमितिले स–सम्मानित स्मृति चिन्ह भेंट गरी विदाई गरेको हो । नगर अध्यक्ष मनिराम सापकोटाको अध्यक्षतामा तथा टेक वहादुर थापाको सञ्चालनमा सम्पन्न कार्यक्रममा नगर समितिका मदन थापाले स्वागत गर्नुभएको थियो ।
केन्द्रीय सदस्य प्रेम सापकोटा र क्षेत्रीय सदस्य मन्जु थापाले फूलको हार पहिनाइ चिरन्जीवी भुसाल र धन कुमारी भुसाललाइ सम्मान गर्नुभएको थियो भने क्षेत्रीय सदस्य छविलाल सापकोटा र विल बहादुर गुरुङले स्मृति चिन्ह भेंट गर्नुभएको थियो ।
उहाँको योगदानको चर्चा गर्दै शुभकामना दिने वक्ताहरुमा मूल प्रवाहका केन्द्रीय सदस्य प्रेम सापकोटा र सुदूरपश्चिमोत्तर क्षेत्रीय सदस्य मन्जु थापा, छविलाल सापकोटा, विलबहादुर गुरुङ, नगर समितिका तारा बहादुर थापा, भिम कार्की, प्रतिक्षा थापा, सोभाराम सापकोटा, दुर्गा लामिछाने, लक्ष्मी गुरुङ, र भक्त बहादुर थापा लगाएत हुनुहुन्थ्यो ।
