काठमाडौँ । विश्वभरिमा कोरोना सङ्क्रमणबाट मृत्यु हुनेको सङ्ख्या १० लाख नाघेको छ । सोमबार बिहान ७ बजेसम्मको यो सङ्ख्या १० लाख २ हजार १३७ पुगेको छ ।
वल्र्डोमिटर्सका अनुसार हालसम्म सबैभन्दा बढी मृतकको सङ्ख्या अमेरिकामा छ । त्यहाँ यस अवधिमा मृतकको सङ्ख्या २ लाख ९ हजार ४५३ पुगेको छ भने दोस्रो स्थान ब्राजिलको छ । त्यहाँ मृतकको सङ्ख्या १ लाख ४१ हजार ७७६ छ । त्यसैगरी तेस्रो स्थानमा भारत छ । त्यहाँ हालसम्म ९५ हजार ५७४ जनाको मृत्यु भएको छ । एवम् प्रकारले चौथो स्थानमा मेक्सिको छ । त्यहाँ ७६ हजार २४३ जना र पाँचौँ स्थानमा बेलायत छ, जहाँ ४१ हजार ९८८ जनाको मृत्यु भएको छ ।
हालसम्म विश्वमा कुल ३ करोड ३२ लाख ९७ हजार ५०३ जना सङ्क्रमित पुगेका छन् । त्यसमध्ये सर्वाधिक सङ्क्रमितको सङ्ख्यामा अमेरिकामा छ । त्यहाँ ७३ लाख २० हजार ६६९ जना सङ्क्रमति छन् । त्यस्तै दोस्रो स्थानमा भारत छ, जहाँ हालसम्म ६० लाख ७३ हजार ३४८ जना सङ्क्रमित छन् । यहाँ हिजो साँझसम्म ८२ हजार ७६७ जना नयाँ सङ्क्रमित थपिएका थिए । एवम् प्रकारले तेस्रो स्थानमा रहेको ब्राजिलमा हालसम्म ४७ लाख ३२ हजार ३०९ जना सङ्क्रमित, चौथो स्थानको रुसमा ११ लाख ५१ हजार ४३८ जना सङ्क्रमित र पाँचौँ स्थानका कोलम्बियामा ८ लाख १३ हजार ५६ जना सङ्क्रमित छन् ।
आज बिहानसम्म विश्वभरिमा २ करोड ४६ लाख २८ हजार ४२८ जना निको भएर घर फर्किसकेका छन् । यसरी निको हुनेहरूमा शीर्ष स्थानमा भारत छ । त्यहाँ हालसम्म ५० लाख १३ हजार ३६७ जना निको भएका छन् । दोस्रो स्थानमा अमेरिका छ । त्यहाँ ४५ लाख ५८ हजार ५७९ जना निको भइसकेका छन् । त्यस्तै, तेस्रो स्थानको ब्राजिलमा ४० लाख ६० हजार ८८ जना निको भएको छन् भने चौथो स्थानको रुसमा ९ लाख ४३ हजार २१८ जना र पाँचौँ स्थानको कोलम्बियामा ७ लाख ११ हजार ४७२ जना निको भएका छन् ।
पछिल्लो चौबिस घण्टामा विश्वभरिमा २ लाख ५० हजार ४६२ जना नयाँ सङ्क्रमित थपिएका थिए भने यस अवधिमा थप ३ हजार ८५२ जनाको मृत्यु भएको थियो ।
कोरोनाको सङ्क्रमण सुरु भएको चीन सङ्क्रमितको तथ्याङ्कमा ४४ औँ स्थानमा छ । त्यहाँ हालसम्म ८५ हजार ३५१ जना सङ्क्रमित पुगेका छन् भने मृतकको हिसाबले चीन ३२ औँ स्थानमा छ । त्यहाँ ४ हजार ६३४ जनाको मृत्यु भएको छ । पछिल्लो चौबिस घण्टामा त्यहाँ मृतक थपिएका छैनन् ।
नेपाल सङ्क्रमितको तथ्याङ्कमा ४९ औँ स्थानमा छ । हिजोसम्म यहाँ ७३ हजार ६०४ जना सङ्क्रमित थिए भने मृतकको तथ्याङ्ुकमा नेपाल ७४ औँ स्थानमा छ । हिजोसम्म यहाँ ४७७ जनाको मृत्यु भइसकेको छ । यस अवधिमा नेपालमा ५३ हजार ८९८ जना निको भएर घर फर्किसकेका छन् ।
