मेघराज रिष्मेली, जापान ।
रोजगारीको शिलशिलामा बिगत झण्डै एक दशक पहिलादेखि जापान आएका बागलुङ गल्कोट नरेठॉंटीका कमल बहादुर कार्की सम्मानित हुनुभएको छ । कार्कीले लामो समयदेखि ओसाकामा रेष्टुरेण्ट व्यावसाय गर्दै आउनुभएको छ ।
संसारभर फैलिरहेको कोरोना भाइरस (कोभिड–१९) का कारण संक्रमण भएका बिरामीहरूको उपचारमा खटिएका डाक्टरहरूलाई प्रोत्साहन भत्ता दिन ओसाका सरकारले चलाएको आर्थिक अभियानमा कार्कीले सहयोग गर्नुभएको थियो ।
कार्कीले ओसाकाको स्थानीय सरकारलाई सहयोग स्वरूप रकम प्रदान गरेर उच्चस्तरको सामाजिक दायित्व पुरा गर्नुभएको भन्दै जापान सरकारले उहाँको सम्मान गरेको हो ।
जापान सरकारका तर्फबाट ओसाकाका गभर्नर यासिमुरा हिरोमुखि सानले कार्कीलाई सम्मान गरेका कार्कीले युगदर्शनलाई जानकारी दिनुभयो ।
उहाँले लामो समयदेखि जापानमा ईन्डियन नेपाली हिमालय रेष्टुरेण्ट र बागलुङ बजारमा हिमालयन मोटरसाइकल वर्कसप सञ्चालन गर्दै आउनु भएको छ ।
कार्की एक सफल व्यावसायी, समाजसेवीका साथै जापान नेपाली एकता समाज क्षेत्रीय समिती ओसाकाका अध्यक्ष एवम् केन्द्रीय समिती सदस्य पनि हुनुहुन्छ ।
