शंकर प्रसाद पोखरेल, गुल्मी ।
प्युठानको गौमुखी गाउँपालिकामा राष्ट्रिय जनमोर्चाको अगुवा कार्यकर्ता भेला सम्पन्न भएको छ । भेलाले विभिन्न वडामा संगठन निर्माणलगायत घरदैलो अभियानको योजना बनाएको छ ।
राजमो युवानेता बरुणध्वज मल्लले युगदर्शनलाई दिनुभएको जानकारी अनुसार शनिबार खुङमा सम्पन्न भेलाले विभिन्न वडामा संगठन निर्माण गर्न जाने टोली निर्माण गरेको छ । ति टोलीहरुले वस्ती र टोलस्तरमा संगठन निर्माण गर्ने र जनजीवनसँग जोडिएका मुद्दाको उठान गरी सरकारलाई ध्यानाकर्षण गराउने निर्णय गरिएको छ ।
अध्यक्ष कर्ण कुँवरको टोलीले साविकको १,२,३ र५ नम्बर वडामा संगठन निर्माण र जनताको समस्या बुझ्नेछ । यस्तै, बरुणध्वज मल्ल नेतृत्वको अर्को टोलीले साविकका वडा नं ४,६,७,८ र९ मा सांगठनिक अभियानका साथै जनताका समस्या बुझ्नेछ । दुवै टोलीको अभियान यहि १५ गतेबाट एकसाथ सुरु हुने नेता मल्लले बताउनुभयो ।
राजमो जिल्ला सदस्य भरत केसीको प्रमुख आतिथ्यतामा सम्पन्न अगुवा कार्यकर्ता भेलामा राजमो गौमुखी गाउँपालिकाका अध्यक्ष जनक बहादुर केसी, अखिल नेपाल शिक्षक संघका बसन्ता जिसि, अखिल नेपाल महिला संघका पेर्मा थापा, समता समाजका पूर्ण नेपाली, पुराना नेता गिर बहादुर गिरि, किरण बिष्ट, राजमो उपाध्यक्ष जगत मल्ल, किरण बिष्ट, पुराना कार्यकर्ता मीन बहादुर विष्टलगायत उपस्थित हुनुहुन्थ्यो ।
कर्ण कुँवरको अध्यक्षता तथा बरुणध्वज मल्लको सञ्चालनमा अघि बढेको कार्यक्रमको स्वागत कुलदिप बिकले गर्नुभएको थियो ।
