खिम बहादुर बिक, हैदराबाद (भारत) ।
मूल प्रवाह अखिल भारत नेपाली एकता समाजका वरिष्ठ नेता प्रेम केसी सम्मानित हुनुभएको छ । समाजका पूर्व केन्द्रीय सदस्य एवं मध्य दक्षिण क्षेत्रीय अध्यक्ष तथा बर्तमान क्षेत्रीय सल्लाहकार सदस्य केसीको ७५ औँ जन्म दिवसको अबसरमा मूल प्रवाहका मध्य दक्षिण क्षेत्रीय समितिले उहाँको निवासमै पुगेर सम्मान गरेको हो ।
शनिबार उहाँको जन्म दिबवसको अवसरमा मूल प्रवाहका केन्द्रीय सचिव प्रेम पौडेलले संगठनका तर्फबाट दोसल्ला ओढाएर सम्मान गर्नुभयो । त्यस अवसरमा पौडेलले लामो समयसम्म संगठनलाई अहोरात्र दिएको योगदानको उच्च मूल्यांकन गर्दै उहाँको सुस्वास्थ एवं दिर्घायुको कामना गर्नुभयो ।
कार्यक्रममा मूल प्रवाहका केन्द्रीय सदस्य राम प्रसाद आचार्य, केन्द्रीय सदस्य तथा क्षेत्रीय सचिव खिम बहादुर बिक, केन्द्रीय सदस्य तथा महिला विभाग केन्द्रीय संयोजक फुलबिना पौडेल, क्षेत्रीय सदस्य के रतन सिंह बिक र कृष्ण बहादुर थापालगायतले माला र टीका लगाइ दिर्घ जीवन र सुस्वास्थ्यको कामना गर्नुभएको थियो ।
हाल शारीरिक रुपमा केही अशक्त भएपनि केसीले निरन्तर प्रवासी नेपालीहरुको दुःख कष्टमा निरन्तर साथ दिँदै आउनुभएको छ ।
