काठमाडौं । अनेरास्ववियु (छैठौं) ले बलात्कारपछि हत्या गरिएकी बालिका सम्झना कामीका हत्यारालाई कारबाही गर्न माग गरेको छ । शनिबार विज्ञप्ति प्रकाशित गरी अखिल (छैठौं) ले बालिकाको बलात्कार पछि हत्या गरिएको घटनाले स्तब्ध बनाएको जनाएको छ ।
अखिल (छैठौं) का अध्यक्ष विमल पोखरेलले प्रेशित गर्नुभएको विज्ञप्तिमा बालिकाका बलात्कारी तथा हत्यारालाई कडा कारबाही गर्न माग गरिएको छ । यस्तै, वक्तव्यमा एसिड आक्रमणकारीविरुद्धको कडा कानुन तत्काल ल्याउनसमेत माग गरिएको छ ।
बझाङको मष्टा गाउँपालिका–२ खिकालाकी १२ वर्षीय बालिका सम्झना कामीको बुधबार बलात्कार पछि हत्या गरिएको अवस्थामा शव फेला परेको थियो ।
प्रहरीले घटनाको अनुसन्धानका लागि स्थानीय १८ वर्षीय एक युवकलाई नियन्त्रणमा लिएको जनाएको छ । प्रहरीका अनुसार मृतक सम्झनाका हजुरबुवा गोरख कामीले राजेन्द्र बोहराविरुद्ध जाहेरी दिएका छन् ।
यो पनिः बझाङकी १२ वर्षीया बालिकाको बलात्कारपछि विभत्स हत्या, दोषीमाथि कारबाही गर्न माग
