बसन्त खड्का, अर्घाखाँची ।
अर्घाखाँचीको सन्धिखर्क नगरपालिका–७ स्थित पहिरोको जोखिममा परेको भुजुङे बस्ती सार्नैपर्ने निष्कर्षमा स्थानीय प्रशासन पुगेको छ ।
शुक्रबार राष्ट्रियसभा सदस्य चन्द्र बहादुर खड्का, राष्ट्रिय जनमोर्चाका जिल्ला अध्यक्ष थम्मन केसी तथा नगरप्रमुखसहित अनुगमनमा गएको प्रमुख जिल्ला अधिकारीसहितको टोलीले बस्ती सार्नुपर्ने निष्कर्ष निकालेको हो ।
बिगतका पर्षदेखि नै त्रासमा रहेको बस्ती असोज ६ गतेदेखि परेको झरीले झनै जोखिममा परेपछि बिकराल अवस्था सिर्जना भएपछि ८ घर परिवार यतिबेला चन्द्रप्रभा माविमा बसिरहेका छन ।
बस्ती अवलोकनपछि पीडित हरुलाई सान्त्वना दिँदै प्रमुख जिल्ला अधिकारि बिष्णु पौडेलले बस्ती स्थानान्तरण गर्नुपर्ने र यस बिषयमा आफूले पहल गर्ने बताउनु भयो । जिल्ला दैवि प्रकोप उद्धार समितिका प्रमुख समेत रहेका प्रजिअ पौडेलले सुरक्षाका लागि बस्ती सर्ने मानसिकता बनाउन स्थानीयलाई आग्रहसमेत गर्नुभएको थियो ।
यस्तै नगर प्रमुख कमल भुसालले नगरपालिका जनताको जीउ धनको सुरक्षाको लागी तयार रहेको बताउँदै बस्ती सार्न आफूले सक्दो पहल गर्ने बताउनु भयो ।
पीडितका पक्षबाट बोल्दै पुन बहादुर नेपालीले आफूहरु बस्ती सर्न राजी रहेको भन्दै जोखिम मोलेर बस्न नसक्ने बताउनु भयो । उहाँले आफूहरु बस्तीमा जाने अबस्था नरहेको भन्दै जबसम्म राज्यबाट उचित व्यवस्थापन गरिँदैन तबसम्म विद्यालयमै बसिरहने बताउनु भयो ।
पीडितको भनाई सुनेपछि सान्त्वना दिँदै राष्ट्रियसभा सदस्य चन्द्रबहादुर खड्काले यो समस्या केन्द्रीय संसदमा पुर्यार निकास निकाल्न आफू लागि पर्ने बताउनु भयो ।
अबलोकनमा प्रमुख जिल्ला अधिकारि बिष्णु पौडेल ,राष्ट्रियसभा सदस्य चन्द्र बहादुर खड्का, सन्धिखर्क नगर पालिका प्रमुख कमल प्रसाद भुसाल ,उप प्रमुख ठाकुर विक, राष्ट्रिय जनमोर्चाका जिल्ला अध्यक्ष थम्मन केसी, अखिल नेपाल युवक संघका जिल्ला कोषाधक्ष बसन्त खड्का, राजमो खाँचिकोटका अध्यक्ष दिलदार हुसेन ,अर्घाखाँची डटकमका केशवराज ज्ञवालि,केशव घिमिरे, वडा सदस्य बिष्णु भुसाल,रामलाल खनाल ,बसन्ता केसी, रेडक्रस अर्घाखाँचीका पदाधिकारी, सुरक्षा कर्मी, नेपाली सेना लगायतको उपस्थिति रहेको थियो ।
