काठमाडौं । अनेरास्पवयू (छैठौं) सहित ६ विद्यार्थी संगठनले मिलेनियम च्यालेन्ज कर्पोरेसन (एमसीसी) संसदबाट पारित नगर्न जनता समाजवादी पार्टीको ध्यानाकर्षण गराएका छन्।

बिहीबार जसपा नेपालका अध्यक्ष उपेन्द्र यादवलाई संयुक्त विद्यार्थी संगठनको तर्फबाट ध्यानाकर्षण पत्र बुझाउँदै एमसीसीको पक्षमा मतदान नगर्न आग्रह गरिएको अखिल (छैठौं) का अध्यक्ष विमल पोखरेलले जानकारी दिनुभयो ।

विद्यार्थी संगठनहरुले संसदमा विचाराधिन विवादित एमसीसी पास नगर्न खबरदारी गर्दै आएका छन् । हालै सत्तारुढ नेकपाले एमसीसी पास गर्ने निर्णय गरेपछि उनीहरुले संसदको तेस्रो ठुलो दल जनता समाजवादी पार्टीको ध्यानाकर्षण गराएका हुन् ।