धनविर पुन, नयाँ दिल्ली (भारत)।
मूल प्रवाह अखिल भारत नेपाली एकता समाज चेन्नई पूर्व नगर समित अन्तर्गत प्रेमगुडि एरिया समितिका सदस्य इमान प्रसाद गोरथोकिलाई प्रवासबाट विदाई गरिएको छ । गोरथोकिले नोकरीबाट अवकास लिइ स्वदेश जाने भएकोले आइतबार एक कार्यक्रमको आयोजना गरी उहाँलाई बिदाइ गरिएको हो ।
विदाई समारोहलाई मूल प्रवाह अखिल भारत नेपाली एकता समाज पूर्व नगर समितिका सचिव कोटिप्रसाद पोख्रेलको सञ्चालन र लक्ष्मण चालिसेको अध्यक्षता तथा नगर उपाध्यक्ष ओमकान्त शर्माले स्वागत गर्नुभएको थियो ।
उपस्थित सम्पूर्ण नगर सदस्यहरुलेबाट दोसल्ला ओढाइ अबिर लगाई इमान प्रसाद गोरथोकिलाई विदाई गरिएको थियो । विदाइ कार्यक्रममा मूल प्रवाह अखिल भारती नेपाली एकता समाज क्षेत्रीय समितिबाट काशिराम शर्मा, बोमलाल बसेल, पूर्व नगर समितिबाट ओमकान्त शर्मा, राम प्रसाद शर्मा लगायतले शुभकामना मन्तव्य दिनु भएको थियो ।
शुभकामना दिने बक्ताहरुले स्वदेशमा गई एकता समाजले दिएको शिक्षालाई व्यवहारमा लागु गरि सम्पूर्ण खाले अबसरबादलाई परास्त गर्न अग्रसर रहनेमा आफूहरु विश्वस्त रहेको बताउनु भएको थियो ।
त्यस अवसरमा गोराथोकिले स्वदेशमा गई एकता समाजले दिएको शिक्षालाई ईमान्दारिता साथ राष्ट्रिय जनमोर्चामा आबद्ध भई गरिब, निमुखाहरुको पक्षमा काम गर्ने प्रतिवद्धता व्यक्त गर्नुभएको थियो ।
