प्रकाश थापा मगर
काठमाडौँ । कोभिड–१९ बाट सङ्क्रमित हुने विश्वभरिका देशहरूमध्ये भारत दोस्रो स्थानमा पुगेको छ । त्यहाँ हिजो एकैदिन ९१ हजार ७२३ नयाँ सङ्क्रमित थपिएसँगै कुल सङ्क्रमितको सङ्ख्या ४२ लाख २ हजार ५६२ पुगेको छ । यसरी भारत ब्राजिललाई उछिन्दै दोस्रो स्थानमा उक्लेको छ ।
वल्र्डोमिटर्सका अनुसार भारतमा सोमबार बिहानसम्म ७१ हजार ६८७ जनाको मृत्यु भइसकेको छ । हिजोको २४ घण्टामा मात्रै त्यहाँ एक हजार ८ जनाको मृत्यु भएको थियो । यस मितिसम्म त्यहाँ ३२ लाख ४७ हजार २९७ जना निको भएर घर फर्किसकेका छन् ।
सङ्क्रमित र मृतक दुवैको तथ्याङ्कमा प्रथम स्थानमा अहिले पनि अमेरिका नै कायम छ । त्यहाँ अहिलेसम्म ६४ लाख ५९ हजार ८४३ जना कुल सङ्क्रमित पुगेका छन्, तर भारतभन्दा धेरै कम हिजो त्यहाँ ३० हजार ७०३ जना नयाँ सङ्क्रमित थपिएका थिए । त्यहाँ कुल मृतकको सङ्ख्या १ लाख ९३ हजार २४६ पुगेको छ । पछिल्लो एक दिनमा त्यहाँ ४२३ जनाको मृत्यु भएको थियो । यहाँ ३७ लाख २५ हजार ९७० जना निको भएर घर फर्किसकेका छन् । यसरी तत्कालै पहिलो स्थानमा भए पनि अमेरिकामा नयाँ सङ्क्रमित र मृतकको दर घट्दै गइरहेको छ ।
त्यस्तै, सङ्क्रमितमा दोस्रो स्थानमा रहँदै आएको ब्राजिल अब तेस्रो स्थानमा खस्केको छ । त्यहाँ पछिल्लो एक दिनमा १४ हजार ६०६ जना नयाँ सङ्क्रमित थपिएका छन् । यसरी त्यहाँ अहिलेसम्मको कुल सङ्क्रमितको सङ्ख्या ४१ लाख ३७ हजार ६०६ पुगेको छ । त्यहाँ कुल मृतकको सङ्ख्या १ लाख २६ हजार ६२६ पुगेका छन् । त्यहाँ पछिल्लो २४ घण्टामा त्यहाँ ४५६ जनाको मृत्यु भएको छ भने ३३ लाख १७ हजार २२७ जना निको भएर घर फर्केका छन् । यसरी ब्राजिलमा पनि सङ्क्रमित र मृतक दुवैको दर घट्दै गएको देखिन्छ ।
सङ्क्रमितको तथ्याङ्कमा चौथो स्थान रुसको छ । त्यहाँ अहिलेसम्म कुल सङ्क्रमितको सङ्ख्या १० लाख २५ हजार १९५ पुगेको छ भने कुल मृतकको सङ्ख्या १७ हजार ८२० । पछिल्लो दिन त्यहाँ ६ हजार २७५ नयाँ सङ्क्रमित थपिएका थिए भने यस अवधिमा ६१ जनाको मात्र मृत्यु भएको थियो । त्यहाँ आज बिहानसम्म ८ लाख ४० हजार ९४९ जना निको भएर घर फर्केका छन् ।
कोभिड–१९ सुरु भएको चीनमा भने लामो समयदेखि मृतकहरू थपिएका छैनन् । सङ्क्रमितको तथ्याङ्कमा चीन ३८ औँ स्थानमा छ । त्यहाँ हालसम्म ८५ हजार १२२ जना सङ्क्रमित पुगेका छन् भने मृतकको सङ्ख्या ४ हजार ६३४ मै स्थीर छ । पछिल्लो २४ घण्टामा त्यहाँ १० जना नयाँ सङ्क्रमित थपिएका छन् ।
नेपाल सङ्क्रमितको तथ्याङ्कमा ५६ औँ स्थानमा छ । हिजोसम्म नेपालमा कुल सङ्क्रमितको सङ्ख्या ४६ हजार २५७ पुगेको छ भने मृतकको सङ्ख्या २८९ । हिजो नेपालमा ९८० जना नयाँ सङ्क्रमित थपिएका थिए भने थप ९ जनाको मृत्यु भएको थियो । अहिलेसम्म नेपालमा २८ हजार ९४१ निको भएर घर फर्किसकेका छन् ।
कोभिड–१९ अहिलेसम्म विश्वका स्वतन्त्र १९५ र सम्बद्ध ३९ गरी कुल २३४ देश तथा टापुहरूमध्ये २१५ देश तथा टापुमा पुगेको छ । विश्वको सबैभन्दा थोरै अङ्गोलामा जम्मा ३ जना सङ्क्रमित देखिएका छन् ।
विश्वभरिमा आज बिहानसम्म २ करोड ७२ लाख ८२ हजार ४१७ जना कुल सङ्क्रमित छन् भने कुल मृतकको सङ्ख्या ८ लाख ८७ हजार २४७ पुगेको छ । गत एक दिनमा विश्व भरिमा २ लाख ३० हजार २४७ जना नयाँ सङ्क्रमित थपिएका थिए भने ४ हजार १०१ को मृत्यु भएको थियो ।
