प्रकाश थापा मगर
काठमाडौँ । कोभिड–१९ बाट भारतमा एकैदिन ८४ हजार १५६ सङ्क्रमित थपिएका छन् । यसका साथै त्यहाँको कुल सङ्क्रमित सङ्ख्या ३९ लाख ३३ हजार १२४ पुगेको छ ।
वल्र्डोमिटर्सका अनुसार भारत सङ्क्रमितको तथ्याङ्कमा विश्वभरिमा तेस्रो स्थानमा छ भने मृतकको हिसाबले पनि तेस्रो स्थानमा नै पुगेको छ । हिजोसम्म भारतमा मृतकको सङ्ख्या ६८ हजार ५६८ पुगेको छ । पछिल्लो चौबिस घण्टामा यहाँ १ हजार ८३ जनाको मृत्यु भएको छ ।
सङ्क्रमित र मृतक दुवै तथ्याङ्कमा प्रथम स्थानमा अमेरिका नै कायम छ । त्यहाँ अहिलेसम्म ६३ लाख ३४ हजार ५९३ जना कुल सङ्क्रमित पुगेका छन् भने कुल मृतकको सङ्ख्या १ लाख ९१ हजार २७ पुगेको छ । पछिल्लो एक दिनमा त्यहाँ ४३ हजार ८५६ जना नयाँ सङ्क्रमित देखिएका छन् । यस अवधिमा १ हजार ६३ थपको मृत्यु भएको छ ।
त्यस्तै, दोस्रो स्थानमा ब्राजिल छ । त्यहाँ पछिल्लो एकैदिन ४४ हजार ७२८ जना नयाँ सङ्क्रमित थपिएका छन् । यसरी अहिलेसम्मको कुल सङ्क्रमितको सङ्ख्या ४० लाख ४६ हजार १५० पुगेको छ । त्यहाँ कुल मृतकको सङ्ख्या १ लाख २४ हजार ७२९ पुगेका छन् । पछिल्लो २४ घण्टामा त्यहाँ ८३० जनाको मृत्यु भएको छ । ब्राजिल सङ्क्रमित र मृतक दुवैको तथ्याङ्मा दोस्रो स्थानमा छ ।
कोभिड–१९ सुरु भएको चीनमा भने लामो समयदेखि मृतकहरू थपिएका छैनन् । सङ्क्रमितको तथ्याङ्कमा चीन २८ औँ स्थानमा छ । त्यहाँ हालसम्म ८५ हजार ७७ जना सङ्क्रमित पुगेका छन् भने मृतकको सङ्ख्या ४ हजार ६३४ मै स्थीर छ । पछिल्लो २४ घण्टामा त्यहाँ ११ जना नयाँ सङ्क्रमित थपिएका छन् ।
नेपाल सङ्क्रमितको तथ्याङ्कमा ६० औँ स्थानमा छ । हिजोसम्म नेपालमा कुल सङ्क्रमितको सङ्ख्या ४२ हजार ८७७ पुगेको छ भने मृतकको सङ्ख्या २५७ । हिजो नेपालमा १ हजार २२८ जना नयाँ सङ्क्रमित थपिएका थिए भने थप ६ जनाको मृत्यु भएको थियो ।
कोभिड–१९ अहिलेसम्म विश्वका २१५ देशमा पुगेको छ । विश्वको सबैभन्दा थोरै अङ्गोलामा जम्मा ५ जना सङ्क्रमित देखिएका छन् ।
विश्वभरिमा आज बिहानसम्म २ करोड ६४ लाख ५६ हजार ५०५ जना कुल सङ्क्रमित छन् भने कुल मृतकको सङ्ख्या ८ लाख ७२ हजार ४७३ पुगेको छ ।
