काठमाडौं । नेपालमा पछिल्लो २४ घण्टामा थप १ हजार ६९ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले मंगलबार देशभरमा थप १ हजार ६९ जनामा कोरोना पुष्टि भएको जानकारी दिनुभयो ।
प्रवक्ता गौतमका अनुसार आज देशभरमा संक्रिय संक्रमितको संख्या १८ हजार ११२ रहेको छ । हालसम्म संक्रमित हुनको संख्या ४० हजार ५२९ रहेको प्रवक्ता गौतमले बताउनुभयो । आज १२ हजार ८८ जनाको पीसीआर परीक्षण गरिएको उहाँले बताउनुभयो ।
त्यस्तै पछिल्लो २४ घण्टामा थप ७६८ जना कोरोना संक्रमित निको भएका छन् । योसँगै कोरोनामुक्त हुनेको संख्या २२ हजार १७८ पुगेको छ। गौतमका आुसार निको हुने दर ५५ प्रतिशत रहेको छ ।
उपत्यकामा थपिए ४८१ कोरोना संक्रमित
काठमाडौँ उपत्यकामा पछिल्लो २४ घण्टामा थप ४८१ जनामा कोरोना भाइरसको संक्रमण पुष्टि भएको छ । प्रवक्ता प्राडा जागेश्वर गौतमले उपत्यकाका तीन जिल्लामा ४८१ जनामा कोरोना पुष्टि भएको बताउनुभयो ।
उहाँका अनुसार उपत्यकाका काठमाडौँ ३९३, ललितपुरमा ५८ र भक्तपुर ३० जनामा कोरोना संक्रमण पुष्टि भएको हो । उपत्यकामा संक्रमित हुनेको संख्या यो अहिलेसम्मकै उच्च हो।
