कास्की । ९ वर्षीया बालिकालाई यौन शोषण गरेको अभियोगमा एकजना पक्राउ परेका छन् । पोखरा महानगगरपालिका–१० मिलनचोक बस्ने स्याङ्जा बिरुवा गाउँपालिका–७ घर भएका ५५ वर्षीय रेश बहादुर गुरुङलाई आइतबार प्रहरीले पक्राउ गरेको हो ।

ती बालिकालाई विगत ५ महिना अगाडिदेखि ललाई फकाई यौन शोषण गर्दै आईरहेका उनलाई जिल्ला प्रहरी कार्यालय कास्कीबाट खटिएको प्रहरीले जिल्ला प्रहरी कार्यालय स्याङ्जासँग समन्वय गरी स्याङ्जा बिरुवा गाउँपालिका–८ टोड्केमा लुकिछिपी बसेको अवस्थामा फेला पारी पक्राउ गरेको छ ।

गुरुङलाई जिल्ला प्रहरी कार्यालय कास्की पोखरामा ल्याई जबरजस्ती करणी मुद्धामा अनुसन्धान भइरहेको जिल्ला प्रहरी कार्यालय कास्कीले जनाएको छ ।