काठमाडौं । नेत्रविक्रम चन्द ‘विप्लव’ नेतृत्वको नेकपाकी नेतृ उमा भुजेल अदालतको रिहाई आदेश लगत्तै प्रहरी सम्पर्कबाट बाहिरिनुभएको छ । पटक पटक अदालतले छोड्न आदेश दिने र प्रहरीले अदालत परिसरबाटै पक्राउ गर्दै आएकोमा आइतबार नेतृ भुजेल र सुमनसिंह पौडेल सप्तरीबाट फरार भएका हुन् ।
भुजेल र पौडेललाई गैर न्यायिक थुनाबाट रिहा गर्न सर्वोच्च अदालतले सरकार र सप्तरी जिल्ला प्रहरीलाई आदेश गरेको थियो ।
उमा भुजेलको तर्फबाट बहिनी शुशिला भुजेलले दायर गरेको रिट उपर सुनुवाई गर्दै सर्वोच्च अदालतले यस्तो आदेश दिएको अघिवक्ता कपिलचन्द्र पोख्रेलले जानकारी दिनुभएको छ । नेतृ भुजेललसँगै पौडेलको हकमा पनि रिट जारी भएको छ ।
भुजेललाई सुनसरी जिल्ला अदालतले भदौ २ गते साधारण तारेखमा रिहा गर्न आदेश दिएको थियो । रिहा हुनासाथ अदालत परिसरबाटै गिरफ्तार गरेर सप्तरी जिल्लास्थित कन्चनपुर इप्रकामा पु¥याई ‘प्रहरीमाथि अभद्र व्यउवहार’ अन्तर्गत मुद्दा चलाइएको थियो ।
