झापा । झापामा प्रहरीसँगको झडपमा एका एक जनाको ज्यान गएको छ । झापा गाउँपालिका ३ कटुवामारीमा प्रहरी र स्थानीयबीच झडप हुँदा प्रहरीले चलाएको गोली लागि ३८ वर्षीय रसिकुल आलमको ज्यान गएको हो ।
झापाका डीएसपी राकेश थापाका अनुसार एक राउण्ड गोली लागी घाइते भएका आलमको बिएण्डसी अस्पताल बिर्तामोडमा उपचारको क्रममा ज्यान गएको हो ।
पशुचौपाया काट्ने व्यक्तिलाई पक्राउ गरेको विषयमा बिवाद हुँदा बुधबार साँझ झडप भएको थियो । सोही क्रममा प्रहरीले गोली चलाएको हो ।
स्थानीयले गोरु जस्तो देखिने पशु चौपाय काटेको सूचनापछि प्रहरीले दुई जनालाई पक्राउ गरेको थियो । उनीहरुलाई म्याद थप गर्न लैजाने क्रममा स्थानीयले घेरा हालेर प्रहरीको गाडीमाथि तोडफोडमा गर्न थालेपछि गोली चलाउनुपरेको प्रहरीले जनाएको छ ।
पक्राउ परेका अबदुल सलाम र ताजबुल हकलाई अहिले इलाका प्रहरी कार्यालय कुमरखोदमा राखिएको छ ।
