दाङ । दाङ देउखुरीको लमही नगरपालिकाका दर्जनौं युवाहरु राष्ट्रिय जनमोर्चामा प्रवेश गरेका छ्न् । राष्ट्रिय जनमोर्चा निकट अखिल नेपाल युवक संघ लमही नगर समितिको आयोजनामा एक कार्यक्रमको आयोजना गरि युवाहरुलाइ पार्टीमा प्रवेश गराइएको हो ।
नगर अध्यक्ष दधिराम पोख्रेलको अध्यक्षतामा भएको पार्टी प्रवेश कार्यक्रमका राजमोका जिल्ला अध्यक्ष गणेश आचार्यले समाजमा रहेको अन्याय, असमानता, भ्रष्टाचार र बेथितिका विरुद्ध युवाहरु सचेततापूर्वक लाग्नु पर्ने र राष्ट्रिय जनमोर्चा जस्तो क्रान्तिकारी र निस्कलंक छवि भएको राजनीतिक पार्टीमा सम्पुर्ण युवाहरु संगठित हुनुपर्ने बताउनु भयो ।
राजमोमा प्रवेश गर्ने हरुमा नितेश पौडेलको नेतृत्वमा सन्देश नेपाली, सन्दिप बुढा मगर, बिमल चौधरी, सुमित चौधरी, सरोज नेपाली, मिलन थापा, सन्तोष थापा मगर, प्रकाश राना, सन्देश डिसि, दीपेन्द्र योगी, दिपेन्द्र रेउले, अभिषेक भडेल, करन लामा, किस्मत बोहोरा, निरोज चौधरी, अनुप बस्नेत, मदन चौधरी, प्रदिप नेपाली, प्रेदेसी चौधरी, बम बहादुर राना मगर, लिला पुन मगर, धन बहादुर जि एम, टोपेन्द्र बुढा, जयन्द्र बिस्ट, अबिक नेपाली लगायत रहनुभएको छ ।
कार्यक्रममा रक्तिम सांस्कृतिक अभियानका केन्द्रीय सल्लाहकार नारायण योगी राष्ट्रिय जनमोर्चा जिल्ला सचिव वसन्त राज पौडेल, अखिल नेपाल युवक संघका जिल्ला सदस्य डोर बहादुर केसीले युवाहरुलाई सम्बोधन गर्नुभएको थियो ।
कार्यक्रममा राष्ट्रिय जनमोर्चा जिल्ला सदस्य पदम प्रसाद गोराथोकी र लमही नगर अध्यक्ष हरी थापाको पनि आतिथ्यता रहेको थियो ।
लकडाउनक र कोरोना कहरकै बीच यसअघि पनि दाङका विभिन्न क्षेत्रमा युवाहरु राजमोमा प्रवेश गरेका छन् । यस्तै, देशका अन्य जिल्लाहरुमा पनि युवाहरु राजमोप्रति आकर्षित हुँदै गएको राजमोले जनाएको छ ।
