काठमाडौं । नेपालमा कोरोना संक्रमणबाट थप ७ जनाको मृत्यु भएको छ । तिमध्ये तीन जना काठमाडौंका छन् ।

मंगलबारको स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले एक महिलासहित ७ जनाको मृत्यु भएको बताउनुभयो ।

प्रवक्ता गौतमका अनुसार काठमाडौँकी ७१ वर्षीया महिला, काठमाडौँकै ७४ र ६६ वर्षीय पुरुष, सिरहाका २२ वर्षीय पुरुष, पर्साका ६८ वर्षीय पुरुष, धनुषका ७६ वर्षीय पुरुष र रुपन्देहीको ५३ वर्षीय पुरुषको मृत्यु भएको हो ।

काठमाडौँ उपत्यकामा पछिल्लो २४ घण्टामा थप २३२ जनामा कोरोना भाइरसको संक्रमण देखिएको छ ।प्रवक्ता गौतमका अनुसार उपत्यकाका तीन जिल्लामध्ये काठमाडौँमा १९९, ललितपुरमा १९ र भक्तपुरमा १४ जनामा संक्रमण पुष्टि भएको हो ।