काठमाडौं । लकडाउनमा दैनिक उपभोग्य वस्तु तथा अत्यावश्यक सेवा सञ्चालन हुने जिल्ला प्रशासन कार्यालय काठमाडौंले स्पष्ट पारेको छ ।

कतिपय ठाउँमा अत्यावश्यक सेवामा समेत अवरोध हुन थालेपछि प्रशासनले सूचना प्रकाशित गरी सूचारु हुने पसल तथा सेवाबारे थप स्पष्ट पारेको हो ।

अत्यावश्यक वस्तु तथा सेवा मध्ये औषधि, पानी र स्वास्थ्य सामग्री विक्री वितरण गर्ने पसल व्यवसाय जुनसुकै समयमा पनि निर्वाध खुला राख्न सकिने प्रशासनले जनाएको छ ।

यस्तै, जिल्ला प्रशासनले माथि उल्लेखित व्यापार, व्यवसाय सञ्चालन गर्दा अनिवार्य रुपमा सामाजिक, भौतिक दूरी कायम राख्ने, मास्क र स्यानिटाइजर प्रयोग गर्ने लगायतका सरकारले तोकेका स्वास्थ्यसम्बन्धी मापदण्ड पूर्णरुपमा पालना गर्ने गराउने व्यवस्था मिलाउन समेत भनेको छ ।