दाङ । दाङको घोराही उपमहानगरपालिका–९ का किसान तथा उद्यमी युवाहरु राष्ट्रिय जनमोर्चामा प्रवेश गरेका छ्न् । विभिन्न पार्टीमा रहेका युवाहरु राष्ट्रिय जनमोर्चामा प्रवेश गरेका हुन् ।
नवप्रवेशी युवाहरुलाई राजमो जिल्ला अध्यक्ष गणेश आचार्यले पार्टीको सदस्यता दिँदै राजमोले जहिले पनि देश र जनतालाई केन्द्रमा राखी आस्थाको राजनीति गर्ने बताउनुभयो । उहाँले आफूले गरिरहेको कृषि उद्यमलाई वैज्ञानिक र व्यवस्थित ढंगले गर्न र आत्म निर्भर बन्नसमेत युवाहरुसँग आग्रह गर्नुभयो ।
भोला नाथ शर्माको नेतृत्वमा ओबिराम भण्डारी, दामोदर भण्डारी, सुबास बन्जाडे र खेतुलाल भण्डारीलगायत युवहरु राष्ट्रिय जनमोर्चामा प्रवेश गरेका हुन् । तयस अवसरमा युवाहरुले आफ्नो ठाउँमा व्यापक स्तरमा संगठन बिस्तार गर्ने योजना समेत बनाएका छन् ।
दाङमा पछिल्लो समय युवाहरु राजमोमा प्रवेश गर्ने लहरै चलेको छ । राष्ट्रिय जनमोर्चाले देशको राष्ट्रियता तथा जनताका पक्षमा लिएको दृढ अडान र इमान्दारीताबाट युवाहरु राजमोप्रति आकर्षित हुने गरेका छन् ।
